Бэс ыйыттан саҕалаан Дьокуускай куорат оскуолалара сайыҥҥы оҕо лааҕырдарын аһан үлэлэрин саҕалаатылар. П.А. Ойуунускай аатынан литэрэтиирэ түмэлэ “Сайыны бииргэ көрсөбүт” диэн оҕо сайыҥҥы лааҕырыгар анаан көрдөөх квест-оонньуулары ыытар. Ол курдук, бэс ыйын 3 күнүгэр П.А. Ойуунускай аатынан Литературнай түмэлгэ куорат классическай гимназиятын иһинэн үлэлиир “Улыбка” диэн сайыҥҥы оҕо лааҕырын алын сүһүөҕүн оҕолоро экскурсиялаан уонна оонньоон-көрүлээн бардылар. Оҕолору лааҕыр дириэктэрэ К.Е. Андреева аҕалан кытыннартаата. Оҕолор Ойуунускай төрөөбүт балаҕанын куоппуйатыгар, мемориальнай дьиэтигэр сылдьан экскурсиялаатылар. Экскурсияны түмэл научнай үлэһитэ А.И. Гоголева ыытта. Оттон “асфальга уруһуй” уонна “көрдөөх стартар” оонньууну Артем Осипов иилээн-саҕалаан ыытта. Оҕолор үс хамаандаҕа арахсан оонньоотулар. Үс хамаандаҕа үһүөннэригэр дьупулуом туттарылынна. Оттон кыайыылаах бастакы миэстэлээх хамаандаҕа минньигэс кэмпиэт бэрилиннэ. Ону таһынан лааҕыр дириэктэригэр К.Е. Андрееваҕа оҕолору ситиһиилээхтик аҕалан кытыннарбытын туоһулуур “Махтал сурук” туттарылынна.
Артем Осипов
