Ыам ыйын 17 күнүгэр П.А. Ойуунускай аатынан Литературнай түмэлгэ «Саха төрүт оонньуулара» диэн квиз-оонньуу буолан ааста. Оонньуу Саха сиригэр Түмэл нэдиэлэтин чэрчитинэн ыытылынна. Оонньууга Дьокуускай куорат “Сахат” оскуолатын орто сүһүөҕүн үөрэнээччилэрэ кытыннылар. Үөрэнээччилэри оскуола учуутала Нарыйаана Ивановна Неустроева аҕалан кытыннартаата. Манна оҕолор ойбон уулааһыны, сытар ынаҕы туруоруу, хабылык-хаамыска уонна саха классик суруйааччыларыгар аналлаах викторинаҕа оонньоотулар. Оонньууну Литературнай түмэл үлэһиттэрэ Артем Осипов уонна Тимофей Гаврильев иилээн-саҕалаан ыыттылар. Манна оҕолор үс хамаандаҕа арахсан кытыннылар. Хас биирдии хамаандаҕа “Добун сурук” уонна кыттыбыт оҕолорго туоһу сурук туттарылынна.
