Киһи-аймах бары таптыыр улуу нуучча суруйааччыта Александр Сергеевич Пушкин төрөөбүтэ 225 сылыгар аналлаах интернет ситимин нөҥүө ыытыллыбыт викторинабыт түмүктэннэ.
Кыттааччылар Александр Пушкин олоҕугар, айар үлэтигэр уонна саха сирин суруйааччылара кини тылбаастаабыт айымньыларыгар сыһыаннаах барыта 18 ыйытыыга хоруйдарын ыыппыттара.
Викторина түмүгүнэн кыайыылаах аатын бары ыйытыыга сөптөөх эппиэти биэрбит Сунтаар улууһун Күндэйэтиттэн Саввинова Анна Николаевна ылла. Иккис миэстэ – Парникова Альбина Афанасьевна, үһүс миэстэ – Калининская Прасковья буоллулар.
Кыайыылаахтары эҕэрдэлиибит! Бары кыттыбыт дьоҥҥо махтанабыт!
