Тохсунньуттан ыла алгыс сиэрин-туомун “Тойуксуттар” түмсүүлэрэ кыттыылаах Ойуунускай музейыгар ыытыллар. Манна өбүгэлэрбит ыйдарынан сиэри-туому тутуһалларын көрдөрөн, ол алгыһын иҥэрэн, сахалыы кылыһахтаах ырыанан ыраастанан мустубут дьон сүргэлэрэ көтөҕүллэн бараллар.
Ол курдук бэҕэһээ Одун Хааҥҥа хайыһан алгыһын, дьээ-буо туойан ыраастанан, үөрэ оттоох чэй иһэн, бу ыйга төрөөбүт күннээхтэргэ викторина таайтаран, “Сахам сайдар тылыгар” диэн филол.наука кандидата, тюрколог Ю.И.Васильев-Дьаргыстай тылыгар уонна матыыбыгар ырыаны үөрэтэн, ыллаан, “Оттоку олук алгыһа” Өксөкүлээх Өлөксөй хомоҕой хоһоонунан түмүктэннэ. Бу түһүлгэни СӨ култууратын үтүөлээх үлэһитэ Г.Г.Федорова иилээтэ-саҕалаата.
П.А. Ойуунускай аатынан литература музейын үлэһитэ Нюргуяна Халгаева
45 total views, 1 views today
