Бэс ыйын 14 күнүгэр П.А. Ойуунускай аатынан Литературнай түмэлгэ Дьокуускай куорат 12 нүөмэрдээх орто оскуолатыттан “Непоседы” уонна 19 орто оскуолатыттан “Созвездие” диэн сайыҥҥы оҕо лааҕырын алын уонна орто сүһүөҕүн оҕолоро экскурсиялаан уонна оонньоон-көрүлээн бардылар. “Непоседы” лааҕыртан “Звездочки” этэрээтин иитээччитэ С.А. Чичахова оттон “Созвездие” лааҕыр этэрээттэриттэн “Дельфин”, (Иванна Павловна Данилова) “Сириус”(Римма Семеновна Слепцова), “Комета”(Слепцова Елена Михайловна) этэрээттэрэ кыттыыны ыллылар.
Оҕолор Ойуунускай төрөөбүт балаҕанын куоппуйатыгар, мемориальнай дьиэтигэр сылдьан экскурсиялаатылар. Экскурсияны уонна оонньууну түмэл үлэһиттэрэ Яна Поскачина, Тимофей Гаврильев уонна Артем Осипов иилээн-саҕалаан ыыттылар. Манна оҕолор үс хамаандаҕа арахсан оонньоотулар. Ол курдук, түмэл экспозицияларынан сылдьан саха классик суруйааччыларын айымньыларыттан быһа тардан аахтылар. Онон, үс хамаандаҕа үһүөннэригэр дьупулуом туттарылынна. Оттон кыайыылаах бастакы миэстэлээх хамаандаҕа минньигэс кэмпиэт бэрилиннэ. Ону таһынан лааҕыр этэрээттэрин баспытааталларыгар оҕолору түмэлгэ ситиһиилээхтик аҕалан кытыннарбыттарын туоһулуур “Махтал сурук” туттарылынна.
Артем Осипов