Ыам ыйын 14 күнүгэр П.А. Ойуунускай аатынан литературнай музейга “Музей экспозицияларынан сырыы” диэн квиз-оонньуу ыытылынна. Оонньуу Саха сиригэр Түмэл нэдиэлэтин чэрчитинэн ыытылынна. Оонньууга Дьокуускай куорат 1 нүөмэрдээх орто оскуолатын 5 кылааһын салайааччыта Анна Даниловна Попова үөрэнээччилэрэ кытыннылар. Оонньууну иилээн-саҕалаан литературнай музей үлэһитэ Артем Осипов ыытта. Манна 5 оҕо “бастакы” уонна “иккис” диэн икки хамаандаҕа арахсан музей экспозицияларынан сүүрэ-көтө сылдьан оонньоотулар. Тэрээһин түмүгэр “иккис” хамаанда бастакы миэстэни ылла. Иккис миэстэҕэ “бастакы” хамаандата таҕыста. Кыайыылаахтар “Добун суругунан” наҕараадаланнылар уонна хас биирдии кыттыбыт оҕоҕо туоһу суруга туттарылынна.
