Саха норуодунай суруйааччыта, публицист, литератураны ырытааччы суруналыыс, тылбаасчыт, Саха Өрөспүүбүлүкэтин култууратын үтүөлээх үлэһитэ, Булуҥ уонна Чурапчы улуустарын бочуоттаах олохтооҕо, П. А. Ойуунускай аатынан судаарыстыбаннай бириэмийэ лауреата Семен Андреевич Попов-Сэмэн Тумат үбүлүөйдээх 80 сааһыгар кини олоҕор, айар үлэтигэр аналлаах викторинаҕа Саха сирин уһаты-туора муннуктарыттан кыттан маннык миэстэлэри ыллылар. Толору сөптөөх эппиэти биэрэн Дьокуускайтан Тарабукина Ирина Егоровна 1 миэстэни ылла. Горнай Маҕараһыттан Текеянова Жоржетта Ивановна уонна Таатта Хара Алданыттан Бочурова Августа Гаврильевна, Булун улууһун Тикси бөһүөлэгиттэн Стручкова Вуталина Васильевна 2 миэстэ буоллулар, Дьокуускайтан Сивцева Пелагея Алексеевна уонна Уус Алдан Бороҕонуттан Белолюбский Прокопий Алексеевич 3 миэстэни ыллылар.
Элбэх кинигэ ааптара Саха норуодунай суруйааччыта С.А.Попов-Сэмэн Тумат айымньыларын ааҕан чопчу эппиэти булан ааҕыы, ырытыы уустук, онон кыттыбыт дьоҥҥо барыгытыгар махтанабыт уонна муус устар 23 күнүгэр суруйааччылыын көрсүһүүгэ ыҥырабыт. Ону өссө биллэриэхпит.
Бу биктэриинэ кулун тутар ый саҕаланыытыгар тахсыбыта уонна муус устар ый 5 күнүгэр түмүктэннэ. П.А.Ойуунускай аатынан литературнай музей ыытта.
