Убаастабыллаах ааҕааччылар!
Саха норуодунай суруйааччыта, публицист, литератураны ырытааччы суруналыыс, тылбаасчыт, Саха Өрөспүүбүлүкэтин култууратын үтүөлээх үлэһитэ, Булуҥ уонна Чурапчы улуустарын бочуоттаах олохтооҕо, П. А. Ойуунускай аатынан судаарыстыбаннай бириэмийэ лауреата Семен Андреевич Попов-Сэмэн Тумат
80 сааһыгар аналлаах олоҕор, айар үлэтигэр сыһыаннаах
ВИКТОРИНА
Бу тэттик викторинаҕа эппиэттэргитин муус устар 1 күнүгэр диэри 89142373874 ватсап нүөмэригэр 100 солк. усунуос (Сбербанк, АЭБ) төлөөн ыытаргытыгар. Түмүгү П. А. Ойуунускай аатынан литературнай музей Вконтакте сирэйигэр таһаарыахпыт. Кыттыбытын туһунан туоһу суруктары телефоҥҥутугар ыытыахпыт. Кыайыылаахтарга махтал суругу музейга буолуохтаах суруйааччы С. Туматы кытары көрсүһүүгэ туттарыахпыт. Көрсүһүү бириэмэтин музей Вконтакте сирэйигэр биллэриэхпит, онтон көрүөххүтүн сөп.
- Суруйааччы Саха Өрөспүүбүлүкэтин П. А. Ойуунускай аатынан Судаарыстыбаннай бириэмийэтин хас сыллаахха, ханнык айымньыларын иһин ылбытай?
- Бастакы хоһоонун аата, хаһан, ханна бэчээттэммитэй?
- Россияҕа “Сыл бастыҥ кинигэтэ” кинигэ таһаарааччылар куонкурустарыгар “Культуралар диалогтарыгар кылааты киллэрбит бастыҥ таһаарыы” диэн анал ааты С. А. Попов-Сэмэн Тумат ханнык кинигэтэ, хас сыллаахха ылбытай?
- “… СГУ-ну бүтэрбит Семен Попову научнай сотруднигынан ылбытым. Кини сүрдээх сайаҕас, билиэн-көрүөн баҕалаах, сорудаҕы толоругас, кэлиигэ-барыыга сылбырҕа, үлэҕэ сыстаҕас уол буолан биэрбитэ”. Бу ким эппит тылларай?
- Ханнык поэт уонна учуутала Сэмэн Андреевичка “Тумат” диэн төрөөбүт сирин, нэһилиэгин аатын ылынарыгар сүбэлээбитэй?
- Сэмэн Тумат Тулагы Сыырдааҕар кэргэн кэпсэтэ барарыгар доҕорун кими илдьэ барбытай, ол туһунан ханнык кинигэҕэ кэпсэнэрий?
- С. А. Попов-Сэмэн Тумат 1973 сыллаахха көмүскээбит дипломнай үлэтэ?
- Сэмэн Тумат ханнык кинигэтигэр историческай наука доктора Е. Е. Алексеев “… научнай үлэни суруйарга дьоһуннаах олбох оҥоһуллубут” диэн үрдүк сыанабылы биэрбитэй?
- Сэмэн Тумат оҕо сааһын туһунан суруллубут ханнык айымньытыгар аҕата уолугар тоҕо, туохтан олус хомойдо?
- Суруйааччы ханнык кэпсээнигэр улуу уоруйах биир быһылаанын – үс сыл курулаан турар атыыры күрэппитин сэһэргиирий?
- “Уон куттас баарынааҕар биир хоһуун баара быдан ордук” диэн түмүк санааны этэр ханнык айымньытай?
- Сэмэн Тумат 1999 сыллаахха Константин Туйаарыскай аатынан оҕо уус-уран айымньыларыгар ыытыллыбыт өрөспүүбүлүкэтээҕи сабыылаах литературнай куонкуруска ханнык айымньытын иһин I миэстэни ылбытай?
- “ – Дьэ, эмээхсиэн, бөлүүн бу Арыылаах Эбэбитигэр тыыраахы көтөр буолан түстүм. Сэп-сэбиргэл ылынан киирэн көрөрбүт дуу”, – диир. Бу ханнык айымньыттан быһа тардыыный?
- 1959 сыллаахха Сэмэн Тумат аҕата Андрей Фомич Попов уолугар ыарахан ыарыыга ылларан олорон эппит тыла-өһө туох диэн этэй уонна ону хаһан толорбутай?
- “Эдэр киһи тайах буол эрэ”, – диэн көрдөһөн, хонноҕуҥ анныттан ылан аргыстаһар буоллаҕына, күлүккэр имнэнэҕин. Үөрэҕин, туох эмэ үчүгэйи истэр буоллум ээ диэн. Уонна, кырдьык, сонуну истэн, саха киһитин номоҕон майгытыттан байан, атаҕыҥ сири билбэт буола үөрэн дьиэҕэр-уоккар кэһиилээх курдук сананан тиийэҕин. Оннук кэрэ киһи – биһиги тапталлаах суруйааччыбыт…” . Суруйааччы С. А. Попов-Сэмэн Тумат ханнык суруйааччы туһунан эппитэй?
- Табыллыбатах улуу Таптал туһунан номох-үһүйээни суруйааччы Сэмэн Тумат ханнык дойдуга, кимтэн истибитин суруйбутай?
