Саха норуодунай поэта, тылбаасчыта, публицист, литератураны ырытааччы, ССРС суруйааччыларын союһун чилиэнэ, РФ уонна СР культуратын үтүөлээх үлэһитэ Василий Тарасович Сивцев төрөөбүтэ 90 сыллаах үбүлүөйүн бэлиэтиир үлэлэр ыытылыннылар.
Улуус бары нэһилиэктэрин библиотекаларыгар араас өрүттээх үлэлэр куйаар ситиминэн виртуальнай выставкалар, презентация, викториналар тарҕаннылар.
Улуустааҕы киин модельнай библиотека тэрийиитинэн «Олоҕум дьиктилэрэ» поэт кинигэтин аатынан, кэтэхтэн айар күрэх ыытылынна. Күрэххэ Дьокуускай куораттан, Нам, Сунтаар, Бүлүү, Мирнэй
улуустарыттан,
ҮөҺээ Бүлүүттэн Үөдүгэй, Онхой, Кэнтик, ОроҺу, Боотулуу, Харбалаах, Өргүөт, Нам, Дүллүкү нэһилиэктэриттэн барыта 23 ааптар, 31 айымньынан
кытыннылар.
Василий Сивцев төрөөбүт дойдутугар Боотулууга оскуола уонна олохтоох библиотекалар, кылаас салайааччылара тэрийиилэринэн кылааһынан поэт хоһооннорун дорҕоонноохтук ааҕыыны тэрийдилэр. Орто оскуола 11 кылааһа бүттүүн кыттан, барыта 72 оҕо-
биирдиилээн уонна бөлөҕүнэн поэт Василий Сивцев хоһооннорун аахтылар.
- Дьокуускай куоракка П.А. Ойуунускай аатынан литературнай музей үлэһиттэрин тэрийиилэринэн ыытыллыбыт «Касание солнца Василия Сивцева» көрсүҺүүгэ поэт олоҕор, айымньыларыгар сүгүрүйэр дьон мустан уонна куйаар ситиминэн кыттан үбүлүөйдээх күҥҥэ биир дойдулаахпыт, норуодунай поэт Василий Сивцев туһунан истиҥ ахтыы оҥорон, кэпсэтэн тарҕастылар.
«ОЛОҔУМ ДЬИКТИЛЭРЭ» айар күрэх түмүгэ таҕыста
О.Д. Федорова аатынан Үөһээ Бүлүүтээҕи киин модельнай библиотека тэрийиитинэн, улуустааҕы «Чэчир» айар түмсүү өйөбүлүнэн, суруйааччы оҕо сааһын, төрөөбүт сирин, дьонун олус истиҥник ахтан суруйбут «Олоҕум дьиктилэрэ» кинигэтин аатынан, кэтэхтэн айар күрэх ыытылынна.
Кыттааччы бэйэтин олоҕун дьиктилэрин төрөөбүт тылынан уустаан-ураннаан суруйан, кэпсээн, ахтыы, эссе, очерк көрүҥнэринэн суруйан сэтинньи 27 күнүттэн – ахсынньы 22 күнүгэр дылы кыттан барыта 21 ааптар 30 айымньынан кытынна уонна бүгүн түмүгэ таҕыста.
ОЛОҔУМ ДЬИКТИЛЭРЭ Саха норуодунай бэйээтэ Василий Тарасович Сивцев төрөөбүтэ 90 сылын бэлиэтиир айар түһүлгэ КЫАЙЫЫЛААХТАРА
1 үрдэл — «Иччилээх түүл», ааптар Гаврильев Геннадий, Нам нэһилиэгэ, Үөһээ Бүлүү улууһа
2 үрдэл — «Көстүүмнээх оҕонньор», ааптар Иванова Жанна, Ороһу нэһилиэгэ Үөһээ Бүлүү улууһа
3 үрдэл — «Толоон сайылык», ааптар Гаврильев Михаил – Дал Уйа, Дьокуускай к., Марха
3 үрдэл — «Эдьиийбит Гааля», ааптар Иванов Аркадий, Үөдүгэй нэһилиэгэ, Үөһээ Бүлүү улууһа
Биһирэбил:
« Бэйэ айар дьиктитэ эмиэ баар», Васильев Василий — Луукус
«Үөрүү», ааптар Петрова Людмила
« Дьикти түүл», ааптар Алексеева-Ойуурова Анна
Силигиянова Марта кэпсээннэрэ
Петрова Наталия Кирилловна
Үөһээ Бүлүүтээҕи кииннэммит библиотекалар ситимнэрин директора
Подготовила Яна Поскачина
