КҮРЭХ БАЛАҺЫАННЬАТА
Ыытааччылар: П.А. Ойуунускай аатынан саха литературатын музейа.
Күрэх сыала-соруга: П.А. Ойуунускай айымньыларын үйэтитии, хаартыска нөҥүө аныгы хараҕынан көрүү, оҕо айар дьоҕурун сайыннарыы.
Кыттааччылар: 7-25 саастаах оскуола үөрэнээччилэрэ, устудьуоннар. Кылааһынан кыттыы биһирэнэр.
Күрэх кыттыылаахтара саастарынан арахсаллар:
• Алын кылаас үөрэнээччилэрэ (1-4 кыл.)
• Орто кылаас үөрэнээччилэрэ (5-8 кыл.)
• Улахан кылаас үөрэнээччилэрэ (9-11кыл.)
• Устудьуоннар (1-5 куурустар)
Күрэх хаамыыта:
- Күрэххэ үлэлэри тутуу болдьоҕо – муус устар 27 күнүттэн ыам ыйын 15 күнүгэр диэри.
- Дьүүллуур сүбэ үлэлэри ыам ыйын 16-17 күнүгэр көрөр-истэр, сыаналыыр.
- Күрэх түмүгэ ыам ыйын 18 күнүгэр тахсар.
- Күрэх кэтэхтэн ыытыллар, сайаапкалары konkursmusei2023@mail.ru электроннай почтаҕа ыытаҕыт.
- Кыттыы төлөбүрдээх – 100 солк. Төлөбүрү банковскай картанан эбэтэр Пушкин картанан музей сайтыгар төлүүгүт ( бу ссылканан киирэн https://sakhalit.com/пушкинская-карта/
Күрэх ирдэбилэ:
- Күрэх кыттааччылара тус бэйэлэрин үлэлэрин — Ойуунускай айымньыларынан хаартыскаҕа дьүhүйэн түһэрэн ыыталлар. Биир кыттааччы – биир хаартыска – биир төлөбүр.
- Күрэххэ кыттар үлэ ирдэбилэ: үлэ айымньы ис хоьоонун толору арыйар буолуохтаах. Хаартыска формата – jpeg, кээмэйэ 10 Мб улахан буолуо суохтаах. Туспа суругунан маннык информация ыйыллар:
• Кыттааччы аата-суола, сааһа
• Үлэ аата, ханнык айымньыта
• Кылааһа/кууруһа, үөрэнэр сирэ, салайааччытын аата.
• Төлөбүр туһунан докумуон ( чек).
• Билсэр телефон номера. - Көҥүллэнэр: хаартыска өҥүгэр-дьүһүнүгэр кыратык тупсарыы (цифровая коррекция). Көҥүллэммэт: араас атын ойуулары, суругу туруоран биэрии (вставка).
- Үлэ сыанабылын ирдэбиллэрэ:
• Айымньыны сөпкө арыйыы
• Үлэ ис хоһооно
• Үлэ хаачыстыбата
• Үлэ ис уратыта.