Саха биллиилээх поэта, ССРС Суруйааччыларын сойууһун чилиэнэ
Гавриил Григорьевич Вешников – Баал Хабырыыс төрөөбүтэ 105 сылыгар аналлаах
“Туох диирий сүрэҕим” үөрэнээччилэр төрөппүттэрин кытта хоһоон ааҕыытын БАЛАҺЫАННЬАТА
Сыала-соруга
- Г.Г. Вешников-Баал Хабырыыс хоһооннорун тылын-өһүн, ис хоһоонун нөҥүө ийэ тылга кэрэхсэбили үөскэтии, дойдунан киэн туттарга, ытыктыырга үөрэтии;
- Г.Г. Вешников – Баал Хабырыыс төрөөбүтэ 105 сылыгар поэт аатын үйэтитии;
Тэрийээччи: П.А. Ойуунускай аатынан литературнай музей.
Күрэх кыттыылаахтара:
Дьокуускай куорат уонна куорат таһынааҕы оскуолалар үөрэнээччилэрэ уонна төрөппүттэрэ.
Буолар сирэ: Б.Ойуунускай аатынан литературнай музей, Октябрьскай уул. 10.
Буолар күнэ-дьыла: муус устар 21 күнэ 2023 сыл. Күнүс 14.00 чаастан.
Күрэх усулуобуйата:
Маҥнайгы бөлөх – I – IV кылаас үөрэнээччилэрэ төрөппүттэрин кытары.
Иккис бөлөх – V – VIII кылаас үөрэнээччилэрэ төрөппүттэрин кытары.
Поэт Баал Хабырыыс нууччалыы тылбаастаммыт хоһооннорун ааҕыахтарын сөп. Үөрэнээччи төрөппүтүн кытта биир хоһоону эбэтэр поэт атын хоһоонун ааҕыахтарын сөп.
Кыттааччылар сайаапкаларын муус устар 18 күнүгэр диэри биэрэллэр. Сайаапкаҕа кыттааччы аата, салайааччы аата; ханнык айымньыттан туруоруллубутун ыйыллар.
Кыттарга усунуос: 200 солк. 89142373874 (сбер, аэб) оҕо аатын ыйан туран ыыталлар.
Дьүүллүүр сүбэ сыаналыыр көрүҥнэрэ:
• Тиэмэтин толору арыйыы
• Сыанаҕа сатаан туттуу (артистизм).
• Сценическэй көстүүм, атрибутика.
Түмүк таһаарыы
Кыайыылаах анал бирииһинэн наҕараадаланар. Кыттааччыларга барыларыгар туоһу сурук бэриллэр.
Күрэххэ анал ааттар бэриллиэхтэрэ.
Регистрация муус устар 21 күнүгэр 13.00 ч. саҕаланар.
Сайаапкаларгытын бу эл. почтаҕа: konkursmuse2023@mail.ru ыытаҕыт.
Билсэр телеф. 8-4112- 428912;
Хос быһаарыы: төрөппүттэргэ үөрэнээччи эбэтэ, эһэтэ кэлэн кыттыан сөп.
