Бүгүн, атырдьах ыйын 14 күнүгэр, саха народнай суруйааччыта Николай Алексеевич Лугинов төрөөбүт күнэ.
Күндү Николай Алексеевич!
Бүгүҥҥү үөрүүлээх күҥҥүнэн итиитик-истиҥник ис сүрэхпититтэн эҕэрдэ бастыҥын аныыбыт!
Баҕарабыт кытаанах доруобуйаны, чэгиэн туругу, айар талба талааныҥ аартыга арыллан истин, суруйар бөрүөҥ куорсуна өссө сыыйыллан тапталлаах норуоккун, ааҕааччыларгын саҥа чаҕылхай сонун айымньыларгынан үөрдэ-көтүтэ сырыт! Иэйэхситин эҥээрдэстин, айыыһытын аргыстастын, баҕа санааҥ барыта барҕара туолуохтун, алгыспыт үтүөтэ, санаабыт сырдыга эйиэхэ тиийиэхтин. Инникитин даҕаны тапталлаах төрөөбүт норуотуҥ аатын үрдэтэ сырыт. Олоҕун устата муспут муударай өйгүн-санааҕын бар дьоҥҥунаан үллэстэн мэлдьи киэн туттуубут буола тураргар баҕарабыт!
Эҕэрдэни кытары П.А. Ойуунускай аатынан литературнай музей коллектива
