Ыам ыйын 13 күнүгэр П.А. Ойуунускай аатынан литературнай музейга “Саха литературатын төһө билэҕин” диэн квиз оонньуу буолан ааста. Оонньуу аан дойдуга музей күннэрин чэрчитинэн ыытылынна. Викторинаҕа Дьокуускай куорат 1 нүөмэрдээх орто оскуолатын 5 кылааһын салайааччыта Анна Даниловна Попова үөрэнээччилэрэ кытыннылар. Оонньууну иилээн-саҕалаан литературнай музей үлэһитэ Артем Осипов ыытта. Манна “Үрдэл” уонна “Алгыс” диэн икки хамаандалар көхтөөхтүк кыттан оонньоотулар. Ол курдук, “Үрдэл” хамаанда бастакы миэстэни ылла. Иккис миэстэҕэ “Алгыс” хамаандата таҕыста. Тэрээһин түмүгэр дьүүллүүр сүбэ хас биирдии кыттыбыт оҕоҕо уонна Анна Даниловнаҕа оҕолору аҕалан көхтөөхтүк кытыннарбытын туоһулуур туоһу суруга туттарылынна.
