You are currently viewing Урсуну кытта бырастыылаһар тыл

Урсуну кытта бырастыылаһар тыл

Биллиилээх саха поэта, Саха  Өрөспүүбүлүкэтин Духуобунаһын Академиятын бочуоттаах чилиэнэ, П.А. Ойуунускай аатынан Саха Өрөспүүбүлүкэтин Судаарыстыбаннай бириэмийэтин, Норуоттар икки ардыларынааҕы “Алаш” литературнай бириэмийэ лауреата, Таатта, Нам улуустарын ытык киһитэ Николай Егорович Винокуров-Урсун орто дойдуттан барбытынан кэргэнигэр, оҕолоругар, хаан-уруу, аймах-билэ дьонугар, суруйааччыларга, саха дьонугар дириҥ кутурҕаммын тиэрдэбин. 

Николай Егорович саха литературатын Аал луук маһын үүннэрбит аҕа суруйааччылар үгэстэрин салҕыыр, кинилэри саҥа сүһүөх дьону кытта ситимниир үтүөкэн поэт, суруйааччы, саха литературатын, историятын дириҥник билэр уонна ону дьоҥҥо-сэргэҕэ сатаан блиһиннэрэр, өйдөтөр кыахтаах, ыччат суруйааччылары көҕүлүү, көмөлөһө сатыы сылдьар биир баар суох үлэһит киһибит, тэрийээччибит.

Николай Егорович Винокуров-Урсун  сырдык, үтүө аата тапталлаах Сахабыт литературатын биир туспа, бэлиэ аат буолан дьон-сэргэ өйүгэр-санаатыгар үгүс сылларга умнуллуо суоҕа.

 Александр  Жирков,

 Саха Өрөспүүбүлүкэтин Ил Түмэнин Бэрэссэдээтэлин бастакы солбуйааччы

 105 total views,  1 views today