Иван Иванович Иннокентьев  1957 сыллаахха кулун тутар 21 күнүгэр Кэбээйи  сэлиэнньэтин Кэбээйи оройуонугар төрөөбүтэ. Иркутскайдааҕы государственнай универститет журналистикаҕа салаатын бүтэрбитэ. 1992 сылтан Россия суруйааччыларын союһун чилиэнэ. Нууччалыы тылынан суруйар прозаик, драматург. “Полярная звезда” сурунаал редакторын солбуйааччыта.
Бастакы хоһооннорун оскуолаҕа үөрэнэ сылдьан 1970 сылтан саҕалаан суруйбута. Кэпсээннэрин бастакы бөлөҕө 1987 сыллаахха “Полярная звезда” сурунаалга бэчээттэммитэ, онтуката “Литературная газета” хаһыакка 1988 үчүгэйинэн сыаналаабыта. 9 кинигэ, кэпсээн уонна драма айымньыларын, автора. Ону таһынан «Роман-журнал. XXI век», «Мир Севера», «Мир женщины», «Литературной газеты», «Общеписательской Литературной газеты» сурунаалларга бэчээттэммитэ.
Суруйааччы айымньылара кылгаһынан, психологизма дириҥинэн уратылаахтар. Литературнай критик, литературовед, филологическай наука доктара З.К. Башарина “в рассказах волнующие писателя философские, моральные проблемы воплощаются в резко очерченных, обобщенно-символических образах… Хочется особо отметить, что И. Иннокентьев и в прозе, и в драматургии отстаивает право художника на свободный творческий поиск” диэн бэлиэтиир.
И. Иннокентьев  пьесаларынан Б.А. Ойуунускай аатынан Саха Академическай театра, А.С. Пушкин аатынан Нуучча Академическай театра, Нюрба драматическай театра, Эдэр көлүөнэ театра, Нерюнгри куукула театра спектаклары туруорбута.
И. Иннокентьев айар үлэтин ис хоһооно уонна тылбааһа олус киэҥ. Нуучча тылыгар юкагир суруйааччытын Н. Курилов фантастическай новеллаларын, прозаик А.Д. Аввакумов сэһэннэрин, ону таһынан саха суруйааччыларын Т. Сметанины, С. Тарасовы, Д.Федоровы – Дмитрий Таас, С. Попову – Сэмэн Тумат, О. Корякинаны – Умсуура, эбээн суруйааччытын М.Федотованы – Нулгынэт о. д. а. тылбаастаталаабыта.
И. Иннокентьев “Писатели земли олонхо” тиһик 30 тахса кинигэтин редакциялаан бэчээккэ бэлэмнээбитэ, ол иһигэр саха уус-уран литературатын классиктарын, Саха Республикатын народнай суруйааччыларын айымньыларын. Ону таһынан Россия биллэр поэттарын талыллыбыт айымньылара киирбит, “Поэтические голоса России” тылбаас тиһигин кинигэлэрин редакциялаан таһаарбыта.
И. Иннокентьев А.С. Пушкин мэдээлинэн наҕараадаламмыта.Саха сирин культуратын үтүөлээх үлэһитэ. Россия Улахан литературнай бириэмийэтин лауреата. Саха Республикатын Президенин театральнай искусстваҕа Гранын хаһаайына, Государственнай деятель И.Е. Винокуров 110 сылыгар (2006 с.) уонна Саха литературатын төрүттээччилэриттэн биирдэстэрэ А.И. Софронов – Алампа 125 сылыгар (2011 с.) анаммыт  Республикатааҕы драматургическай айымньылар күрэхтэрин I степеннээх лауреата. Саха Республикатын Ил Түмэн сүбэ мунньаҕын почетнай грамотатынан, «Золотой фонд прессы» (2008) дипломунан, «100 лет профсоюзам России» юбилейнай мэдээлинэн, «Отличник культуры РС(Я)», «Отличник  печати РС(Я)» бэлиэлэринэн наҕаардаламмыта.