. “Биһиэхэ Сэрэх Мэхээлэ диэн ааттаах уус киһи баар этэ. Мин киниэхэ Кулаковскай кинигэтин ааҕан биэрбитим. Ааҕан… халлаан сырдыан эрэ иннинэ бүттүбүт.

 

— Барахсан, кэрэ тыллаах, чуор куоластаах киһи Эбит, — Диэбитэ Сэрэх уонна туох эрэ ырааҕы көрөрдүү умайа турар чимэчи уотун одуулаһан симириктии олорбута…

 

Итинтэн 22 сыл ааста. Ол кэмтэн ыла мин Өксөкүлээх Олөксөйү үгүстүк аахтым, ол тухары сөҕөрүм баар:„ кини ырыалара хас аахтаҕым аайы ордук саҥатыйан, ордук киэркэйэн-тупсан иһэллэр. Ырыаһыт диэн итинник буоллаҕа: кини ырыалара хаһан да эргэрбэт, хаһан да кырдьыбат, хата, эбии куолаһа ыраастыйан, күөмэйэ чөллөйөн иһэр. Оннук ырыаһыт — өлбөт.”

 

А. Бэрияк. “Кэрэ тыллаах, чуор куоластаах киһи эбит…”

 

Ахтыы, 1946 с.

“Уруокка сүгүн олорбот оҕону саҥа учуутал мөхпөт, арай, бэркиһээбиттии күлэ түһэн баран, туох эрэ бэрт хомоҕой тылы, үксүн тоҕоостоох өс хоһоонун этэн кэбиһэр да, оҕо налыс гына түһэр.

 

Көҕөччөр буола маҥхайан эрэр куударалаах кылгас баттахтаах, үөһээ уоһугар кугастыҥы бытыктаах, тугу эрэ дьиибэргээбит курдук, чөрбөччү көрбүт ыйаастыгас соҕус сырдык харахтаах, ортону эрэ үрдүнэн уҥуохтаах, чиҥ-киппэ быһыылаах-тутуулаах киһи чэпчэки-чэпчэкитик дэгэйбэхтии хааман иһэрин көрөөт, биһиги кылааспыт диэки сарымтахтаспытынан барабыт.”

 

Амма Аччыгыйа. Киһи уонна айымньы. Дьокуускай, 1975, 67 с.

 

Кэргэнэ Евдокия Ивановналыын уонна уола Алешалыын, 1915 г.