П.А. Ойуунускай аатынан Литература түмэлигэр Бөтүҥ бочуоттаах олохтооҕо, суруйааччы Уйбаан Бөтүүнүскэй кыыһа Анна Ивановна Томская видеону музейбыт сайтыгар, инстаграмыгар уонна ютубугар таһаарарбытыгар анаан ыытта. Аҕата, суруйааччы Иван Никитич Корякин-Уйбаан Бөтүүнүскэй  сэрии иннинэ 1938 с. төрөөбүт буолан, оҕо сааһа сэрии кэмигэр ааспыт. Онон ити хоһоонугар эппитин курдук улахан дьоҥҥо көмөлөһөн, аччыктаан, сэрии ыараханын билэн, оонньооботох оҕо саастаах сиидэлэммит көлүөнэбин дэнэр. Сэрии темата Уйбаан Бөтүүнүскэй айымньыларыгар сүрүн оруолу ылар. Убайыгар Петр Егорович Ивановка анаабыт хоһооно ырыа буолан ылланар. Аммалар «Амма эбэм сылаас тыына» кэпсээнинэн драма туруорбуттара, араас күрэхтэргэ кыттаннар кыайбыттара. Суруйааччы Уйбаан Бөтүүнүскэй 80 сааһын туолар үбүлүөйүгэр  «Бичик» кинигэ кыһата «Туллук хараҕа» диэн сэрии кэмигэр аналлаах кинигэни таһаарбыта, аҕыйах кэм иһигэр атыыланан бүппүтэ. Музей үлэһиттэрэ Иван Никитиһи уонна кининэн сирэйдээн бүтүн Амма улууһун сэрии уонна тыыл бэтэрээннэрин, сэрии кэмин оҕолорун Өрөгөйдөөх Улуу Кыайыыбыт 75 сылынан үөрэн-көтөн,олус долгуйан туран эҕэрдэлиибит, кытаанах доруобуйаны, булгуруйбат эрчими баҕарабыт. Улуу буойуннарга Уруй-Айхал!!!

Анна Ивановна Томская: «Дьиэҕэ олорон коллегабытын @dmitryartemev кытта аҕам Уйбаан Бөтүүнүскэй #уйбаанбөтүүнүскэй «Сиидэлэммит көлүөнэ — сэрии сылларын оҕолоро» #сэриисылларыно5олоро хоһоонугар дистанционно икки күн иһигэр видеоролик оҥордубут. Анастасия Варламова #анастасияварламова «Чурапчы көһөрүүтүгэр ананар» ырыатын музыкатынан. Үлэлии үөрэммит дьон мээнэ сатаан олорбоппут😅. Ол тэтимҥэ үөрэнэн хаалбыппыт, ол иһин тугу эрэ гына сатыыбыт. Дмитрийи кытта бу үлэбитин дьон көрүүтүгэр, киэҥ эйгэҕэ таһаарыахха диэн карантиҥҥа дистанционно олорон оҥордубут. Роликка, монтажка бастакы холонуубут. Улуу Кыайыынан Сахабыт сирин олохтоохторун истиҥник эҕэрдэлиибит! Уруй-айхал, сэрии, тыыл бэтэрээннэригэр, сэрии сылын оҕолоругар! Киэн туттабыт, сүгүрүйэбит», — диэн суруйар.

#уйбаанбөтүүнүскэй #сэриисылыноҕолоро #сиидэлэммиткөлүөнэсэриисылларыноҕолоро #дмитрийартемьев #аннаафанасийтомские #кылсаха #кылбаяндуэт#артистыякутии @kyl_sakha

@sakhalitmuseum #ПесниВеликой Победы #литмузейимойунского #якутскиеписателиовойне #75летПобеды