Саха норуодунай поэта Иван Гоголев-Кындыл төрөөбүтэ 90 сылыгар өрөспүүбүлүкэтээҕи уруһуй куонкурсун түмүгэ

Улуустарынан ылан көрдөххө, Бүлүү улууһун Бүлүү куоратыттан уонна биир үлэ Чочутааҕы (Сыдыбыл) филиалтан – барыта 20 үлэ киирбитэ. Амма улууһуттан Амматааҕы Киренскэй аатынан оскуолаттан 1 үлэ, Уус Алдан улууһун Лөгөйтөн 2 үлэ, Мархаттан 1 № ээх оскуолаттан 1 үлэ, Дьокуускайтан  №ээх оскуолаттан 2 үлэ, Дьокуускай 38 №ээх оскуолатыттан 1 үлэ, ЯГНГ- ттан 2 үлэ уонна  Дьокуускайдааҕы 17 № ээх оскуолаттан  5 “г” кылаас 12  үлэ (учуутал Тарабукина И.Е.), 7 “г” кылаастан 1 оҕо кытыннылар.

Онон барыта 43 үлэ киирдэ. Онтон 20 – тэ Бүлүү художественнай оскуолатыттан. 23 – һэ көннөрү уопсай үөрэхтээһин оскуолаларыттан.

Биллэн турар, оҕо айымньыны үчүгэйдик ааҕан өйдөөтөҕүнэ эрэ ис хоһоонун биэрэр гына уруһуйдуур. Ол өйдөнөр. Оҕолор үлэлэрин икки хайысхаҕа араардыбыт: 1). Художественнай оскуолаҕа үөрэнэр оҕолор. 2). Уопсай үөрэхтээһин оҕолоро.

Түмүгэ маннык буолла:

1). Художественнай оскуола.

Оҕо аата Миэстэ Үлэ аата Детская худ. Школа
1 Шамаева Сайыына, 11 лет, 1 Сахам сирэ барахсан 3 кылаас, сал-ччы  Алексеева Елизавета Семеновна
2 Кузьмина Ильяна, 15 лет, 2 Өлүөнэ хоптолоро 5 кылаас, сал-ччы  Кузьмина Светлана Ильинична
3 Иванова Вилена, 10 лет 3 Кыталыктар кырдаллара 2 класс

рук. Алексеева Елизавета Семеновна

4 Яковлева Лера, 10 лет Поощр Хара кыталык 2 кылаас, сал-ччы Алексеева Елизавета Семеновна
5 Иванова Аина, поощр Тойон ыҥырыа МБУ ДО Чочунский филиал Чернышевской ДШИ. Сал-ччы  Кузьмина Светлана Ильинична

1 миэстэҕэ Шамаева Сайыына 3 кыл. (11 саастаах) “Сахам сирэ барахсан” уруһуйунан. Үлэ гуашь кыраасканан оһуохайдыы сылдьар урааҥхайдары уруһуйдаабыт. Манна төһө да оһуохайга тэҥник хамсанналлар уруһуйга хас биирдии персонажатын-атын характердаах. Дьон бииргэ үҥкүүлүү сылдьаллара ойууламмыта хайҕанна. Аны уруһуй техниката гуашь, үлэни толорооччу баһылаабыта көстөр. Хойуутук сотон кырааска колоритын биэрбитэ киһи хараҕар быраҕыллар, атын үлэлэрдээҕэр сонуннук көстөр.

2 миэстэни бу оскуола оҕото Ильяна Кузьмина 5 кылаас (15 саастаах) “Олүөнэ хоптолоро” үлэ ылла. Манна кырааска өҥнөрүн таба туттубута, хоптолор ууга күлүктэрэ түһэн түүлэрин өҥө араас өҥнөммүтэ кинилэри чахчы да тыыннаҕымсытан көрдөрөр.

3 миэстэ 2 кылаас үөрэнээччитэ (10 саастаах) Вилена Иванова ылла. Вилена айымньы ис хоһоонун табатык көрдөрбүт. Көтөн иһэр кыталыктар эмискэ кэрэ кыргыттарга кубулуйа түспүттэрин итэҕэтиилээхтик ойуулаабыт, ол эрээри үлэни толорооччу тыыннаах кыталыктары көрбөтөх эбит, аҥардас кыталыктар ойууламмыттарыттан үтүктээһиннээх, “плакатнай” истиили тутуспута көстө сылдьар.

Итини сэргэ икки үлэ биһирэбил миэстэни Яковлева Лера (2 кылаас) “Хара кыталык”, Иванова Аина (Чочутааҕы филиал) “Тойон ыҥырыа” үлэлэринэн ыллылар.

2). Уопсай үөрэхтээһин оскуолалар.

Оҕо аата Миэстэ Үлэ аата  Оскуола
1 Гоголева Айаана, 7 “г” 1 Саллаат ахтылҕана СОШ № 17
2 Перевалова Вилена, 4 класс 2 Кыталыктара кырдаллара Легойская СОШ, рук. Колесова А.М.
3 Афанасьев Сандал, 5 “г” 3 Өлүөнэ сарсыардата ЯГНГ, рук. Егорова К.С.
4 Иванова Паша, 5 класс 3 Көтүөх хаар-муус кыраайыгар Амга, Амгинский лицей им. Киренского, рук. Ноговицына  М.Р.

 

Бу кыттыбыт оҕолорго, кинилэр салайааччыларыгар, төрөппүттэригэр махталбытын биллэрэбит. Инникитин өссө да элбэх айымньылары ааҕан билэн,  бэйэлэрин санааларын уруһуй нөҥүө тиэрдэ турдуннар диэн баҕа санаабытын этэбит!

Жюрилааһыҥҥа көмөлөстүлэр П.П.Романов аат. Художественнай училище живопись салаатын 3 куурсун устудьуоннара Артем уонна Айтал.

   Дохунаев Егор Васильевич.