Литература түмэлигэр «Литературнай эйгэ» бырайыак чэрчитинэн, саха баай духуобунай нэһилиэстибэтин чинчийиигэ, үйэтитиигэ олохторун анаабыт Саха сирин чаҕылхай  дьахталларыгар – түмэлгэ 1976–2014 сс. научнай үлэһитинэн эҥкилэ суохтук үлэлээбит, филология билимин кандидата СӨ култууратын үтүөлээх үлэһитэ, С.А. Новгородов аатынан бириэмийэ лауреата Раиса Терентьевна Аммосова, филология билимин дуоктара, Арассыыйа суруйааччыларын Сойууһун чилиэнэ, РФ уонна СӨ култууратын үтүөлээх үлэһитэ Дора Егоровна Васильева, Саха сиринээҕи кинигэ издательствотыгар сүүрбэттэн тахса сыл сэбиэдиссэйинэн үлэлээбит, СӨ бэчээтин туйгуна, эрэдээктэр, СӨ суруналыыстарын Сойууһун чилиэнэ Татьяна Ивановна Румянцева сырдык ааттарыгар аналлаах ахтыы киэһэтэ буолла. Норуодунай суруйааччылар – Николай Лугинов, Наталья Харлампьева, Сэмэн Попов-Тумат, Василий Егоров-Харысхал, өрөспүүбүлүкэ биллэр салайааччыта Иван Наумов, “Бичик” кинигэ кыһатын сүрүн эрдээктэрэ Валерий Луковцев уонна оҕолоро, аймазтара бу үс дьүөгэлии литература сайдыытыгар улахан кылааты киллэрбиттэрин бэлиэтээтилэр. Литература эйгэтин оҥорбут дьон туһунан кэпсэтии хайаан да наадалааҕын эттилэр. Онон Түмэл бу бырайыага кэскиллээх, саха устуоруйатын үөрэтиигэ дириҥ суолталаах бырайыак буоларын өссө төгүл көрдөрдө. Кэлбит дьон сыанабыллара олус наадалаах.

 

 

Виталий Слепцов хаартыскаҕа түһэриилэрэ.