Өлүөнэ өрүс сүнньүгэр барыта 23 руническай сурук баара биллэр. Бу суругу VIII-X үйэлэргэ суруйбуттара сабаҕаланар. Сорох суруктар өссө эрдэ IV-V үйэлэргэ суруллубут буолуохтарын сөп. Өлүөнэ-Байкал руна суруктарын чинчийии 30-с сыллартан саҕаламмыта. Аан бастаан Байкал күөл таһыгар көстүбүт сап хатарга аналлаах икки төгүрүк таас суруктарын финн учуонайдара К. Доннер уонна М. Рясянен, саха бастакы этнограф-учуонайа Г.В. Ксенофонтов, биллиилээх тюрколог С.Е. Малов чинчийбиттэрэ. Литература түмэлигэр баар «Саха төрдүн былыргы суругун-бичигин» көрдөрөр экспозиция туһунан филология билимин кандидаата, старшай научнай сотрудник Ангелина Афанасьевна Кузьмина кэпсиирин көрөргүтүгэр ыҥырабыт.