Дьэ чахчыта да оннук, хамсык хаайбыт да кэмигэр, айар ыллыгынан кехтеехтук хаамсаллар. Ону сүрүннээччи, айар уоту күөдьүтээччи “Тускул» культура киинин үлэһиттэрэ. Дьэ кинилэр иилээн-саҕалаан социальнай ситиминэн көрүү түһүлгэлэри араастаан толкуйдаан ыыталлар. Культура киинин түмсүүлэри кытта ыкса ситими тутар Наталья Руфоваҕа “Хатаска туох культурнай түбүк күөстүү оргуйар ?” диэн сураспыппар, хап-сабар хоруйдуу охсон, кэпсээн тимэ5э сөлүннэ. “ Кырдьык , бу билиҥҥи дьиэҕэ чөкө олорор кэмҥэ дьоммутун хайдах сэрхгэхситэбит диэн толкуйдаан баран, көрүү курэһи тэрийиэххэ диэн быһааарыммыппыт. Билигин киһи барыта телефону талкыйар, сөбүлээбитин устар, кэспиир, суруйар. Онтон иллэҥ кэм баар курдук, “ баардаах киһи баара батарбат” эбээт.. Онон хата туерт конкурсу биллэрээппитин кытта иилэ хабан ылан, Хатаһым дьоно үөрэ-көтө кыттан эрэллэриттэн биһиги бэйэбит санаабын көнньүөрдэ. Күрэхтэһиибит түөрт хайысханы хабар . Ырыа, үҥкүү, хоһоону дорҕооннохтук ааҕыы итиэннэ кэрэ айылҕаны киистэнэн, кыраасканан дьүһүйүү. Ыллам ырыаһыттар , чуор куоластаахтар аатырбыт мелодист, Саха дьоно сөбүлүүр ырыаһыта Виталий Андросов сырдык аатыгар сүгүрүйэн кини ырыатын дьиэрэппиттэрин видеоҕа устан ыыталлар. Аны сотору кэминэн 6йг6-с8рэххэ хатанар улуу Кыайыы 75 сыла буолуо5а. Онуоха диэри хоһоон хомуурунньугун таһаарар үтүө баҕалаахпыт. Дьэ сити хомуурунньукпутугар хоһоон түһүлгэтин кыттааччыларын тэттик айымньылара киириэҕэ. Манна ким барыта эдэр – эмэн барыта кыттар . Эмиэ хоһоону ааҕан устан ыытар, бастыҥнары литература эйгэтигэр киэҥник биллэр талааннаах дьон Арчылан, Намылы уонна Майаттан Елизавета Попова сыныйан сүүмэрдиэхтэрэ . Сайаапка да элбэх, видео матрыйаал да киирэн эрэриттэн биһиги кынаттанабыт эрэ. Маны таһынан дьиэ кэргээҥҥэ аналлаах ураыт конкурсу биллэрдибит. Дьэ ол атына диэн тугуй диэтэххэ, ус мүнүүтэҕэ остуоруйаны оонньоон көрдөрүөхтээхтэр. Сайаҕас сахалыы саҥа сатарыырыгар уонна ааҕыыны көҕүлүүргэ эмиэ көмөлөөх буолуо диэн саныыбыт. Кэтэҕинэн тэрийэр үлэбит манан эрэ бүппэт. Сандал сааспыт сандаарыйан кэллэ. Үрүйэ уута кылыгырыы уһунна, хахасаат тыалы билиммэккэ ньургуһун сыыр быарыгар, халдьаайыга тэлгэнэн эрэр. Бу кэрэ көстүүнү фотоаппарат таас хараҕар хатаан, көмүс түгэни таба туппут дьоҥҥо эмиэ анал бириистэри туттарыахпыт. Дьиҥэр киһи барыта туох эрэ дьоҕурдаах, тарбаҕар талааннаах. Дьэ ону сайыннардахха, үтүө да үксуур, хара дьай да халбарыйар. Итинник санааттан культурабыт киинигэр ситинник араас конкурстары ыытабыт” Хатаска оннук сааскы чэбдик салгын сайа охсон, хас ыал дьиэтин айар -тутар абылаҥ иилии эргийэр.
Екатерина Аммосова