You are currently viewing Бүгүн саха бастакы хоһоонньут кыыһа Варвара Потапова

Бүгүн саха бастакы хоһоонньут кыыһа Варвара Потапова

«Саха хоһоонньут кыыһа –

Лыҥкынас чаҕаан кылыһаҕа,

Көтөн иһэн үлтү түспүт кыталыга,

Хомуһуннаах өлбөт мэҥэ тыла,

Кутурҕаннаах ситтэрбэтэх ырата

– Мин хоҥкуйабын эн иннигэр.

Александра Григорьева

 Аҕата Потапов Николай Николаевич, ииппит ийэтэ Александра Андреевна, бииргэ убайа Потапов Семен Николаевич. Тооппоор Ньукулай уола Потапов Николай Николаевич (Мороох) диэн 2-с Бордоҥҥо төрөөбүт-үөскээбит киһи. Сүрдээх булчут, отчут-масчыт, туруу үлэһит. Ийэлэрэ, Елена Егоровна Сукуева. Улахан уҥуохтаах, эдэриттэн харах ыарыһах эбит. Эрдэ ыалдьан өлбүт. Оҕолорун көрөр-харайар кыаҕа суох буолан, Иванова Александра диэн дьахтары кэргэн ылбыта. Кини сылаас, истиҥ кыһамньытынан оҕолору киһи-хара гынан улаатыннарбыттара. Сэттэ оҕолоохтор: Мария, Анна, Татьяна, Семен, Афоня, Ваня, Варя.Варвара Потапова 1946 с. Ленинскэй оройуон Сүлэ нэһилиэгэр төрөөбүтэ. Варя алтыс оҕо, игирэ аҥара этэ. Эрдэ тылламмыта, хаампыта, кыратыттан бэрт сытыы, чоҕул курдук көрбүт, хара бараан ис киирбэх оҕо. Ийэтэ өлөрүгэр алта саастааҕа. Варялаах Сеня Ыраах Убайаантан сылдьан, 1 №-дээх орто оскуолатыгар үөрэммиттэрэ.

1966 с. Ньурба 1 №-дээх орто оскуолатын бүтэрэн, Саха судаарыстыбаннай Университетыгар үөрэххэ киирбитэ. Үөрэнэр кэмигэр «Сэргэлээх уоттара» диэн литературнай түмсүүгэ көхтөөхтүк кыттара. «Якутский университет» диэн хаһыат редколлегиятын чилиэнэ этэ. Кинигэлэрэ: «Күннээх халлаан» (1972), «Үчүгэйиэн бу сиргэ» (1989) Хоһоонноро: « Мин эйиигин көрө иликпин», «Кэтэһээр, миигин кэтэһээр», «Үчүгэйиэн, бу сиргэ», «Курус санаа генийэ»…

Loading