You are currently viewing «Уолун сүрэҕэр ийэтин сэбэрэтэ, Ийэтин сүрэҕэр уолун мичээрэ…»

«Уолун сүрэҕэр ийэтин сэбэрэтэ, Ийэтин сүрэҕэр уолун мичээрэ…»

П.А. Ойуунускай аатынан литература түмэлэ Саха сирин Ийэлэрин күнүгэр аналлаах «Уолун сүрэҕэр ийэтин сэбэрэтэ, Ийэтин сүрэҕэр уолун мичээрэ…» диэн саха буойун суруйааччылара ийэлэригэр анаабыт хоһооннорун ааҕыыга күрэскэ ыҥырыытын ылынан отуттан тахса оҕо, улахан киһи кыттыыны ылан үөрдүбүт. Биһиги ыҥырыыбыт уһук хоту сир дьонугар тиийбит, илин эҥэр, Бүлүү бөлөх улуустарын тилийэ көппүт. Барҕа махтал буоллун эһиэхэ, Ийэ дойдуларын тыыннарын харыстаабакка көмүскээбит буойун суруйааччылар айымньыларын утумнаахтык үөрэтэри уһуйааччыларга, ытык сэрии ынырык түгэннэрин, Ийэ барахсан оҕотун күүтэрин хоһоонунан ойуулаан кэпсээбиттэргэ. Буойун суруйааччылар оҕо эрдэхтэриттэн улуу убайбыт Былатыан Ойуунускай хоһоонноруттан Ийэни, дойдуну таптыырга үөрэммит көлүөнэ дьоно этилэр эбээт.  

Ыыпыт видеоларгытын инстаграмна, ютубка таһаарыахпыт, түмэл пуондатыгар кичэллээхтик ууруохпут. Сертификаттары аадырыстарынан ыытыахпыт.