Василий Егорович Васильев – Харысхал (06.11.1950) – драматург, прозаик. 1986 сылтан ССРС СС чилиэнэ.

Амма улууһугар төрөөбүтэ. 1968 с. орто оскуоланы бүтэрэн баран, колхох тракториһынан үлэлээбитэ. 1969 – 1974 сс. Дьокуускайдааҕы государственнай университекка үлэлээбитэ. «Кыым» хаһыат корреспонденынан үлэлээбитэ. 1982 – 1985 сс. Саха сирин СС Бүтүн союзтааҕы уус-уран литератураны пропагандалыыр бюро Саха салаатынан сэбиэдиссэйдээбитэ. 1984 с. VIII Бүтүн союзтааҕы эдэр суруйааччылар мунньахтарыгар кыттыбыта. Саха сирин духуобунаска Академиятын академига.

Бэйэтин айар үлэтин 1975 с. саҕалаабыта. 1980 с. «Аммаҕа саас этэ» диэн пьесатын иһин Саха сирин СС уонна Саха АССР культураҕа министерствотын конкурсугар 3-с бириэмийэни ылбыта. 1982 с. ити пьесата П.А.Ойуунускай аатынан драмтеатрга турбута уонна 1985 с. ССРС культураҕа министерствотын дипломунан наҕараадаламмыта. «Далекая, близкая война» драмата (1984) Кыайыы 40 сылыгар аналлаах крнкурска Саха АССР культураҕа министерствотын 1-кы премиятынан наҕараадаламмыта. Харысхал драматическай айымньыларыгар тыыл үлэһиттэрин, сэрии кэмигэр кинилэр уустук үлэлэрин сырдатар. Пьесаларын таһынан кини республиканскай хаһыаттарга уонна «Чолбон» сурунаалга кэпсээннэри, сэһэннэри уонна очеркалары суруйталыыр.