Петр Денисович Аввакумов (22.04.1934 — 29.06.2005 гг.) – прозаик уонна литературнай критик. СР культуратын үтүөлээх үлэһитэ. 1980 сылтан ССРС СС чилиэнэ.

Горнай улууһугар төрөөбүтэ. 1964 с. Дьокуускайдааҕы государственнай университеты бүтэрбитэ. «Эдэр коммунист» хаһыат сотруднигынан, Дьокуускайдааҕы кинигэ кыһатын редакторынан үлэлээбитэ. Бастакы кинигэтэ 1969 с. тахсыбыта. Онтон ыла кини уонтан тахса кэпсээннэрин уонна сэһэннэрин кинигэлэрэ күн сирин көрбүттэрэ.

П.Аввакумов айымньыларыгар биһиги үөлээннээхтэрбит образтара айыллаллар, саҥа олох иһин охсуһааччылар өй-санаа өттүнэн күүстэрэ арыллар. «Так это было» сэһэнэ сюжета сытыытынан уонна ис хоһоонун драматизмынан ордук бэлиэтэммитэ.

Кэлиҥҥи сылларга кини билиҥҥи олох чахчыларыгар анаммыт «Улуу сыһыы» (1992), «Өлбүт өтөхтөр» (1995), «Дьылҕа суола» (2000) трилогиятынан дьаныардаахтык үлэлээбитэ. Бу романнар кэлиҥҥи сыллардааҕы саха литературатын биир сүрүн айымньыларынан буолаллар.

Суруйааччы элбэх айымньыта оҕолорго анаммыта. Кини нуучча уонна Хотугу норуоттар суруйааччыларын – П.Ламутскай, А.Кривошапкин, Г.Кэптукэ, Е.Едукин, Н.Курилов – кэпсээннэрин сахалыы тылбаастаабыта.

Билигин П.Аввакумов «Чолбон» литературнай-художественнай уонна общественнай-политическай сурунаал сүрүн редакторынан үлэлээбитэ, литературнай критикэҕэ көхтөөхтүк кыттара.