Алексей Спиридонович Бродников (26.02.1917 – 25.06.1998) – поэт, прозаик. СР оскуолаларын үтүөлээх учуутала. Аҕа дойдуну көмүскүүр Улуу сэрии кыттыылааҕа. 1965 сылтан ССРС СС чилиэнэ.

Чурапчы улууһугар төрөөбүтэ. 1942 с. Чурапчытааҕы педагогическай училищены бүтэрбитэ уонна Сэбиэскэй Армия кэккэтигэр ыҥырыллан, снайперынан сулууспалаабыта. Старай Русса, Смоленскай уонна Холм анныларыгар немец талабырдьыттары кытта сэриилэспитэ. 1945 сылтан ССКП чилиэнэ.

1955 с. Дьокуускайдааҕы учительскай институту бүтэрбитэ. Оройуон хаһыатын редакторын солбуйааччынан уонна киэһээҥи оскуола учууталынан үлэлээбитэ.

1946 сылтан ыла бэчээттэммитэ. А.Бродников «Күөх чараҥҥа» диэн бастакы поэтическай хомуурунньуга 1959 с. бэчээттэммитэ. Тиһэх сылларыгар кини фроҥҥа уонна тыылга сылдьыбыт саха буойуттарын дьылҕаларын туһунан романнары суруйан хаалларбыта.

А.Бродников айымньыларын сµрµн темата – билиҥҥи Саха сирин дьоно уонна айылҕатын хатыламмат кэрэтэ.

А.Бродников – Албан аат, Улуу сэрии I степеннээх уордьаннарын, бойобуой уонна үлэ мэтээллэрин кавалердара.