Афанасий Васильевич Чугунов

 

Чугунов Афанасий Васильевич (26.01.1938) – поэт уонна публицист. 1998 сылтан Россия СС, 1996 сылтан – Россия Суруналыыстарын союһун чилиэнэ.

Мэҥэ-Хаҥалас улууһун 1 Мэлдьэхси нэһилиэгэр төрөөбүтэ. 1961 с. СГУ бүтэрэн, ученай-зоотехник идэни ылбыта.

1994 с. «Ытык дьонум» уонна «Айанныырга сананным» хоһооннорун хомуурунньуктарынан поэзияҕа үктэммитэ. Ол кэннэ сылтан сыл саҥа хомуурунньуктара күн сирин көрбүттэрэ: 1996 с. – «Айар ыырга» уонна «Сардаҥа санааҕа куустардым»; 1998 с. – «Күн сиригэр көстүбүччэ»; 1999 с. – «Күһүҥҥү ньургуһун». 2000 с. «Шаман по имени Чугуун» диэн историческай сэһэнэ тахсыбыта.

Афанасий Чугунов —  ааттаах-суоллаах аграрник-учуонай, РФ уонна СР наукаларын үтүөлээх үлэһитэ, Россия аграрнай наукаларын, Хотугу форум академиятын академига, тыа хаһаайыстыбатын наукаларын доктора, профессор. Дьокуускайдааҕы тыа хаһаайыстыбатын академиятыгар үлэлээбитэ.