Тиэмэтэ: “Н.А. Лугинов айымньыларын ааҕан баран…”

Буолар кэмэ: балаҕан ыйын 20 күнүттэн сэтинньи ый 12 күнүгэр диэри

Кыттааччылар:  1-4 кылаастар – I бөлөх, 5-8 кылаастар – II бөлөх, 9-11 кылаастар – III бөлөх

  1. Саха сирин биир улахан суруйааччыта, “Алжир – култууралар быһа охсуһууларыгар” аан дойдутааҕы, Казахстан норуотун “Алаш”, Арассыыйа “Улахан литературнай”, П.А. Ойуунускай аатынан сударыстыбаннай бириэмийэлэр лауреаттара, СР искусствотын үтүөлээх диэйэтэлэ Николай Алексеевич Лугинов төрөөбүтэ 70 сылыгар ананар. Кини айымньыларын уус-уран уруһуйдааһыҥҥа олоҕурар.

Ыытааччылар: Б. Ойуунускай аатынан өрөспүүбүлүкэтээҕи литературнай музей, П.П. Романов аатынан художественнай училище салалтата, “Бичик” национальнай кинигэ кыһата, “Чуораанчык”, “Кэскил” оҕо хаһыатын уонна сурунаалын эрэдээксийэлэрэ.

  1. Күрэх сыала:

– саха литературатын кытта ыкса билсиһии, ону өйгө ойуулаан көрүү, көрдөрүү;

– оҕолор уруһуйдуур талааннарын арыйыы;

– бастыҥ уруһуйдары кэлин быыстапкаларга туттуу;

  1. Күрэх кыттыылаахтарыгар ананар уопсай балаһыанньа:

– Күрэххэ кыттыы 100 солк. усунуостаах

– уруһуй улахан киһи көмөтө суох оҥоһуллуохтаах, кэтэҕэр оҕо толору аата, кылааһа, аадырыһа, төлөпүөнэ, электр. почтата, салайааччыта суруллар;

– уруһуйдар альбом илииһигэр – А4 (210*290), А3 (420*580) формакка халыҥ илиискэ, ханнык баҕарар тиэхиньикэнэн (масло, акварель, тушь, өҥнөөх харандаас, миэллэр о.д.а.) толоруллар;

– оҕо ааптар ханнык айымньытыттан уруһуйдаабытын кылгастык быһааран үлэтин кэннигэр суруйар;

– күрэххэ кыттааччы биир ойууну киллэрэр;

– күрэххэ киирбит матырыйааллар төннөрүллүбэттэр;

– күрэх бөлөҕүн аайы I, II, III миэстэлэр, биһирэбил үлэлэр ананаллар.

 

  1. Дьүүллүүр сүбэ сыаналыыр көрүҥнэрэ:

— күрэх кыайыылаахтарын быһаарыыга уопсай үөрэхтээһин оскуолатыттан эбэтэр анал художественнай оскуолалартан киирбитэ учуоттанар;

— үлэ ис хоһооно, тиэмэтин арыйыыта, сонуннук таба көрүү (оригинальность), саҥалыы айыы, уус-уран ойуулааһын таһыма сыаналанар.

  1. 5. Күрэх түмүктэрэ:

— күрэх түмүгэ “Кэскил” хаһыакка, литературнай музей сайтыгар sakhalit.com тахсар.

— кыттааччыларга дипломнар, сертипикээттэр, кыайыылаахтарга анал бириистэр туттарыллыахтара.

— кыайбыт үлэлэр музейга 12.10.2018-31.10.2018 с. күннэргэ быыстапкаҕа туруохтара.

  1. Билсэр төлөпүөҥҥүт: 89142681196, аадырыспыт Дьокуускай куорат, Октябрьскай уул., 10.