Төгүрүк остуол бу дьыл кулун тутар 12 күнүгэр П.А. Ойуунускай аатынан литература судаарыстыбаннай түмэлигэр буолла. Уопсайа П.А. Ойуунускай аатынан литература судаарыстыбаннай түмэлиттэн, РНА СС Гуманитарнай чинчийии уонна хотугу аҕыйах ахсааннаах омуктар проблемаларын институтуттан, М.К. Аммосов аатынан ХИФУ “Олоҥхо” научнай-чинчийэр институтуттан, СӨ «Олоҥхо тыйаатырыттан», В.А. Протодьяконов-Кулантай аатынан Уус Алданнааҕы литература түмэлиттэн 50 киһи кытынна. 22 киһи тыл эттилэр, кэпсэтиигэ 4 киһи кытыннылар. Уус Алдан улууһун “Олоҥхо биһигэ” быыстапката, П.А. Ойуунускай аатынан литература судаарыстыбаннай түмэлин пуондатын “И.В. Пухов архыыба” быыстапкалара турдулар. «Киhи килбиэннээх аата» киинэттэн быһа тардыыны көрдүбүт (ааптар Избекова Евдокия Игнатьевна). Н.Москвитин «Хаан Дьаргыстай» олоҥхотун Өлтөк нэһилиэгин норуот айымньытын Киинин методиһа Антонина Анатольевна Лугинова толордо.

Төгүрүк остуол И.В. Пухов аатын, нэһилиэстибэтин үйэтитэр; кини рукопистарын харайыы уонна туһаныы боппуруостарын көрөр; туһааннаах тэрилтэлэри, научнай институттары кытта бииргэ  үлэлэһиини сайыннарар сыаллаах ыытылынна.

 

Бэлиэтээһиннэр:

  1. И.В. Пухов олоҕун чинчийии араас хайысханан барар эрээри, саха героическай эпоһа олоҥхону дириҥник чинчийбит үлэтэ ситэ сырдатылла илик.
  2. Олоҥхо, литература туһунан бэчээттэммит үлэлэрэ элбэхтэр. Ол эрээри ону ырытыы, киэҥ ааҕааччыга тиэрдии, анаарыы аҕыйах.
  3. Көрдөрөр-иһитиннэрэр эйгэҕэ, бэчээккэ И.В. Пухов олоҕун, чинчийэр үлэтин туһунан сырдатыы аҕыйах.

 

Онон төгүрүк остуол кыттыылаахтара манныгы ылыннылар:

  1. И.В. Пухов нэһилиэстибэтин үөрэтэн, чинчийэн үлэлэрин ааҕааччы киэҥ араҥатыгар кэмиттэн кэмигэр хат таһаарарга.

Толорооччу:

М.К. Аммосов аатынан ХИФУ “Олоҥхо” научнай-чинчийэр институт, Уус Алдан улууһун муниципальнай тэриллиитэ.

 

  1. Түүр норуоттарын эпостарын чинчийбит үлэлэринэн бу хайысхаҕа сыһыаннаах түүр омуктар чинчийээччилэрин, М. Горькай аатынан аан дойду литературатын институтун кытта бииргэ үлэлииргэ сибээһи олохтуурга.

Толорооччу:

П.А. Ойуунускай аатынан литература судаарыстыбаннай түмэлэ, РНА СС Гуманитарнай чинчийии уонна хотугу аҕыйах ахсааннаах омуктар проблемаларын института.

 

  1. Олоҥхо иитэр-үөрэтэр кыаҕын чинчийэн, үөрэх-иитии тиһигэр туһана сылдьар эйгэ үлэһиттэрин өйүүргэ, үлэлэрин уопутун киэҥник тарҕатарга.

Толорооччу:

СӨ үөрэх уонна билим министиэристибэтэ, СӨ Ыччат дьыалатыгар уонна социальнай коммуникацияларга министиэристибэтэ.

 

  1. Көрдөрөр-иһитиннэрэр эйгэҕэ, бэчээккэ И.В. Пухов олоҕун, чинчийэр үлэтин туһунан тиһигин быспакка ситимнээхтик сырдатарга.

Толорооччу:

М.К. Аммосов аатынан ХИФУ “Олоҥхо” научнай-чинчийэр институт,

РНА СС Гуманитарнай чинчийии уонна хотугу аҕыйах ахсааннаах омуктар проблемаларын института, СӨ сибээс уонна информационнай технология министиэристибэтэ.

 

  1. И.В. Пухов аатын үйэтитэргэ былааннаах үлэни ыытарга:

-Олоҥхо ыһыахтарыгар оҥорбут үтүөтүн өрүү ахтыы.

-П.А. Ойуунускай аатынан литература түмэлигэр уонна Уус Алдан улууһун Окоемовка бөһүөлэгин Е.В.Местников аатынан библиотека кыраайы үөрэтэр киинигэр И.В. Пухов экспозицияларын хаҥатарга, И.В. Пухов аатын үйэтитэр былааннаах үлэҕэ кытыннарарга.

— И.В. Пухов литература түмэлигэр сытар архыыбыгар электроннай библиотека, видеоматырыйаал оҥорорго.

 

 

  1. И.В. Пухов үбүлүөйдээх сылын чэрчитинэн, төрөөбүт улууһугар архыыбын илдьэн көрдөрөргө.

Толорооччу:

П.А. Ойуунускай аатынан литература түмэлэ.

 

7. Өрөспүүбүлүкэтээҕи И.В. Пухов ааҕыларын тэрийэргэ.

 

      Толорооччу 

СӨ үөрэх уонна билим министиэристибэтэ