П.А. Ойуунускай аатынан литература судаарыстыбаннай  түмэлэ  СӨ айылҕа харыстабылын министиэристибэтэ Аан дойдутааҕы сибэкки күнүгэр «Сибэкки ыһыаҕа» ураты тэрээһини ыыттылар. Оҕуруот олордооччу, үрдүк категориялаах терапевт-быраас Татьяна Яковлевна Логлорова «Цветы в искусстве, музыке и литературе из собрания  картин эрмитажа, произведений поэтов» тиэмэҕэ маастар-кылаас ыытта. ХИФУ М.К. Аммосов аатынан университет доцена, биологическай наука кандидата, СӨ норуот хаһаайыстыбатын үтүөлээх үлэһитэ, СӨ суруйааччы Сойууһун чилиэнэ Матвеева Изабелла Петровна-Алаас хотунун айымньыларыгар сибэкки эгэлгэтин, айар үлэтин туһунан сэһэргээтэ. ХИФУ ботаническай садын дириэктэрин научнай үлэҕэ солбуйааччы, биологическай наука кандидата Борисова Саргылаана Захаровна «Лилии Якутии» тиэмэҕэ иһитиннэрии оҥордо. ГАУ ДО РС(Я) “Научно-образовательный центр агротехнологического образования, экологии и туризма» ландшафтнай дизайн уонна тыа хаһаайыстыбатын үлэтигэр уопуту оҥоруу лабораториятын сэбиэдиссэйэ  Яковлева Полина Петровна «Ландшафтный дизайн на примере учебной-методического полигона Юнната» тиэмэҕэ уопутун кэпсээтэ. СӨ экология министиэристибэтин сүрүн исписэлииһэ Гуринова Нюргуяна Сергеевна «Саха сирин кыһыл кинигэтин сибэккилэрэ» тиэмэҕэ иһитиннэрии оҥордо.  Национальнай библиотека бу тиэмэҕэ аналлаах быыстапката турда. Хомус түмэлин учуонай сэкиритээрэ, импровизатор-хомусчут Эркин Алексеев «Мин тохтор тойугум, Мин туойар хомуһум  Таатта үрэх үрдүгэр…» хаартыскаларын дьон сэргии көрдө. Тэрээһини иилээн-саөалаан ыытта түмэл старшай научнай сотруднига Ангелина Афанасьевна Кузьмина. Маннык тэрээһин Ийэ айылҕабытын харыстыыр үлэ биир сүрүн көрүҥүнэн буолар.