📚Кыайыы 74 сылын көрсө П.А. Ойуунускай аатынан литература түмэлигэр фронтовик-суруйааччы Семен Осипович Никифоров туһунан ахтыы киэһэҕэ ыҥырабыт.

Никифоров Семен Осипович— саха суруйааччыта, Аҕа дойду сэриитин кыттыылааҕа.

  • 1923 сыллаахха атырдьах ыйын 27 күнүгэр Мэҥэ-Хаҥалас оройуонун Иккис Тыыллыма нэһилиэгэр төрөөбүт.
  • 1942 с. Дьокуускайдааҕы культурнай-сырдатар оскуоланы бүтэрэн Кыһыл чуум сэбиэдиссэйинэн үлэлээбит.
  • 1943 с. бэс ыйыгар Өлүөхүмэ оройуонун военкоматынан Аармыйаҕа ыҥырыллыбыт. 1944 сыл муус устарыттан сэрии бүтүөр диэри фронт инники кирбиитигэр Берлиҥҥэ тиийэ сэриилэспит. Гвардия старшай сержана.
  • Дойдутугар 1947 сыллаахха эргиллибит.
  • Оройуон хаһыатын редакторынан, ЫБСЛКС райкомун бастакы секретарынан, ССКП райкомун салаатын сэбиэдиссэйинэн үлэлээбит.
  • Дьокуускайга уобаластааҕы партийнай оскуоланы бүтэрбит.
  • «Хотугу сулус» сурунаал редакциятыгар о. д. а. тэрилтэлэргэ үлэлээбит.
  • 1950 сылтан ССКП чилиэнэ.
  • 1965 сылтан ССРС суруйааччыларын Сойууһун чилиэнэ.

1961 сыллаахха кэпсээннэрин бастакы хомуурунньуга бэчээттэммит.1969 с.кэпсээннэрин, сэһэннэрин түмэн «Дойдум дьоно» кинигэтин таһааттарбыт. «Туркулаах кистэлэҥнэрэ» сэһэни суруйбут.

Сэбиэскэй саллааттар сэрии уоттаах толоонугар бойобуой, хорсун быһыыларын «Саллаат дьылҕата» кинигэтигэр суруйбут.

Суруйааччы айымньыларын геройдарынан Хоту дойду тулуурдаах дьоно, тыа хаһаайыстыбатын туруу үлэһиттэрэ, учууталлар, суруналыыстар, хорсун-хоодуот саллааттар, эйэлээх олоҕу тутааччылар буолаллар.

✅Буолар күнэ: муус устар 12 күнэ, 14.00 чаастан.
✅Аадырыспыт: Октябрьскай уул., 10, төл. 428912.
✅Киириитэ: улахан дьоҥҥо — 100 солк., оҕолорго — 50 солк.