Саха суруйааччыларын Сойууһун тэрийиитинэн “Сэмэн Данилов дневнигэ” диэн кинигэни сүрэхтээһин чэрчитинэн, эдэр суруйааччылары кытта көрсүһүү буолла. Онно норуодунай суруйаваччылар Наталья Ивановна Харлампьева, Сэмэн Попов-Сэмэн Тумат, Баһылай Васильев-Харысхал, Николай Винокуров-Урсун ыччат суруйааччыларга бу кинигэ суолтатын туһунан кэпсээтилэр.

Гаврил Андросов, Елизавета Мигалкина, Аграфена Кузьмина, Аита Шапошникова, Альбина Борисова кытыннылар. Сэмэн Данилов кэмин туһунан саастаах уонна эдэр суруйааччылар иҥэн-тоҥон кэпсэттилэр.

Онтон салгыы “Сэмэн Данилов дневнигэ” Горнай улууһугар Духуобунас кииинигэр ыытылынна. Киин дириэктэрэ Клавдия Георгиевна Сергеева, улуус баһылыга Никита Викторович Андреев кинигэни бэччээттээһиҥҥэ сүрүн киһи, олохтоох “Үлэ күүһэ” хаһыат эрэдээктэр-дириэктэрэ Василий Ильич Алексеев, хомуйан оҥорооччу Н.Е. Винокуров-Урсун норуодунай суруйааччылар Наталья Ивановна Харлампьева, Баһылай Васильев-Харысхал кытыннылар. Ону тэҥэ улуустааҕы “Сыккыс” литературнай түмсүү тэриллибитэ 35 сылыгар улахан тэрээһин ыытылынна. Кэлбит ыалдьыттар ити икки тэрээһиҥҥэ сырыттылар.

Ити курдук норуодунай бэйиэт Сэмэн Петрович Данилов өр сыллааҕы үлэтэ кинигэ быһыытынан аан бастаан тахсыытын Горнай улууһа улаханнык бэлиэтээтэ.

Ангелина КУЗЬМИНА