Саха биллиилээх поэта, ССРС Суруйааччыларын сойууһун чилиэнэ Гавриил Григорьевич Вешников – Баал Хабырыыс төрөөбүтэ 100 сылыгар аналлаах Дьокуускай куорат үөрэнээччилэригэр хоһоон күрэҕэ — «Ыстарбын нии дьон сүрэҕэр туох эрэ кэрэни айан» буолла. Күрэх кулун тутар 29 күнүгэр күнүс 2 чааска Б. Ойуунускай аатынан государственнай литературнай музей саалатыгар арылынна.

Барыта 7 оскуолаттан — 7 бөлөх, 17 биирдиилээн нүөмэр. Барыта 58 үөрэнээччи кытынна. Оҕолор ааҕар дьоҕурдара үрдээн иһэрэ бэлиэтэннэ, итини сэргэ айымньы ис хоһоонугар улахан болҕомто ууруллар буолбута бэлиэтэннэ, ис хоһоонун толору арыйар сыаллаах музыкальнай доҕуһуоллаах киэргэтиилэр, онуоха сөптөөх көстүүмнэри анаан оҥостон, тиктэрэн, ойуулаан толоруу киһини үөрдэр.

Биирдиилээн ааҕар оҕолор 3 бөлөххө, усулуобуйа быһыытынан, тыырыллан сыанаҕа турдулар. Манна 1-4 кылаастар, 5-8 кылаастар, 9-11 кылаастар күрэхтэстилэр.

Маҥнайгы бөлөххө Татаринов Тимур, “Хаар” хоһоону ааҕыыга кыайыылааҕынан таҕыста. Иккис миэстэ Григорьева Сандаара “Ийэ” хоһоону ааҕыыга ылла, үһүс миэстэ “Бэскэ үүммэт мээчик” хоһоонунан Адамова Валерия буолла.

Иккис группаҕа Николаев Дамир “Арыт” диэн хоһоону бэркэ табыллан артыыстаан, уобарастаан ааҕан кыайыылаах буолла; иккиһи Семенова Сандаара “Хаарыан күөх сайын” ааҕыыта, көстүүмэ, туттара-хаптара дьүөрэлии буолан ылла; үһүскэ Сосин Дьулус “Сүүрбэ аҕыс” хоһоону, ис хоһоонун толору биэрэн таҕыста.

Үһүс группаҕа. Туһааннааҕынан кыайыылаах буоллулар Горохов Айнари (“Хоптолор”); Багынанов Айан, Шелковников Уйусхаан (“Баараҕай тиит”); Амонова Юля (“Сибэккилэр”).

Бөлөхтөргө бэлиэтэннилэр “Отуу уотун иннигэр”, “Оскуола олбуоругар”, иккис группаҕа Терешин Николай, Иванов Кэскил “Төрөөбүт дойдум”; уонна олус үчүгэй тупсаҕай көстүүлээх “Дьыл кэмин дьүһүйүү”.

 

Кыайыылаахтар аналлаах дипломнарынан, кинигэлэринэн, Баал Хабырыыс аймахтара спонсордаан бэлэмнээбит мэтээллэринэн, сувенирдарынан наҕараадаланнылар. Итини сэргэ 5 анал номинациялар, 4 биһирэбил грамоталарынан, кыттыбыт үөрэнээччилэр сертификаттарынан бэлиэтэннилэр.

Күрэх тэрээһиннээхтик биир тыынынан барда.

 

Музей научнай үлэһитэ Егор Васильевич Дохунаев