Сахабыт уус-уран литературатын таптыыр,

кэрэхсиир ытык-мааны дьоммут!

 

Эһигини олунньу 26 күнүгэр, киэһэ 17ч.00м. П.А. Ойуунускай аатынан литература түмэлэ тэриллибитэ 50 сылын көрсө «МИМУОЗА» уран дьүһүлгэн салон иккис киэһэтигэр ыҥырабыт. «Саҥа хоһоон», «Сэргэх кэпсээн» түһүмэхтэргэ поэттар, прозаиктар ханна да бэчээттэммэтэх айымньыларыттан ааҕыахтара. Салон хаамыыта «Хоһоонтон тыллыбыт ырыалар», «Литература сонуннара», «Талаһа кэбиһэн», «Үйэлээх айымньы», «Биир мал сэһэнэ» эгэлгэ түһүмэхтэринэн кэрэхсэтиэҕэ.

Суруйааччылар илиилэринэн суруйбут айымньыларын уонна сүрэхтэрин сылааһын иҥэрбит тус малларын түмэл фондатыгар туттарыы биир умнуллубат түгэнинэн буолуоҕа.

Кэлиҥ, көрүҥ, сэргээҥ!

Киириитэ: 100 солк. Салон кэмигэр буфет үлэлиэҕэ.

Буолар сирэ: Дьокуускай куорат, Октябрьскай уул., 10 дьиэ.