Саха Өрөспүүбүлүкэтин судаарыстыбаннаһын күнүгэр «Триумф» успуорт киинигэр «Свет над Арктикой» театрализованнай представление буолла. Сүрүн оруолу толорор саха тыйаатырын артыыһа Александр Борисовы таба тутан кэпсэттим: «Бүгүҥҥү тэрээһин Аан дойдутааҕы таһымнаах улахан тэрээһин. Хайа баҕарар киһи «Игры престолов» киинэни көрбүт буолуохтаах. Онно оонньуур Джон Сноу диэн персонаж киирдэ. Ити сериалга улуу эркин баар. Сноу ол эркинтэн хоту барарынан бүтэр.Ол курдук биһиги режиссердарбыт бу персонаж Саха сиригэр кэлэрин курдук туруордулар. Онуоха Өлүөнэ турууктарын орто дойдуну харыстыыр бэлиэ быһыытынан көрүөххэ сөп. Бу тэрээһин мээнэ шоу буолбакка, Саха сирин тыытыллыбатах кэрэтин илдьэ кэлбит дойдутун, сүрүн кэрэтэ тымныыбыт буоларын тиэрдэр, ону харыстыырга ыҥырар». Тэрээһин үс тылынан барда. Элбэх омук ыалдьыта кэлбитин бэлиэтии көрдүбүт. Ол курдук салгыы Саам университетын бэрэпиэссэрэ Свейн Матисон санаатын үллэһиннэ: «Мин манна төрүт олохтоох омуктар үгэстэрин олус көрүөхпүн баҕаран кэллим. Өссө таба ыстаадатыгар сырыттарбын аһара дьоллоох буолуом этэ». Бу тэрээһиҥҥэ түмэл «Салайааччы суруйааччылар» киинэтин көрдөрдө.
Сурукка тистэ с.н.с. Ангелина Кузьмина