❄❄❄Литература түмэлин кэлэктиибэ үүнээри турар Саҥа 2020 сылынан истиҥник эҕэрдэлиибит! Саҥа сыл саҥа үөрүүлэри, ситиһиилэри аҕалыахтын, бар дьоммут чэгиэн-чэбдик буолуҥ диэн баҕаран тураммыт түмэлгэ Саҥа дьыллааҕы быыстапканы кэлэн көрөргүтүгэр ыҥырабыт! Быыстапкаҕа РФ үөрэҕириитин бочуоттаах үлэһитэ, СӨ үөрэҕириитин туйгуна Эльвира Семенова-Сэргэ Кыыһа Тускулаана кэллиэксийэлэрэ быыстапкаҕа турдулар. Саҥа дьылынан, саҥа сылынан! Уруй-айхал, тускуо буолуохтун!🎄🎄🎄

✍Аадырыспыт: Дьокуускай, Октябрьскай уул., 10, 428912.

✍Киириитэ: улахан дьоҥҥо — 100 солк., оҕолорго — 50 солк.

Саҥа Дьыл

Саҥалыыра дьылларбыт
Салаллан-тэлэллэн кэлиитигэр
Сайаҕас дьэллэм тылынан
Саҥара-иҥэрэ тоһуйуоҕуҥ!

Үчүгэйдиир үйэлэрбит
Үүнэн тахсан кэлиитигэр
Үмүөрүһэн тураммыт
Үөрэн-көтөн көрсүөҕүҥ!

Көмнөх хаарбыт анныттан
Көрдөөх-нардаах дьылларбыт
Күөрэйэн тахсан кэлиитигэр
Күлэн-оонньоон керсүөҕүҥ!

Дьолу-соргуну уһаттын,
Дьоллоох олоҕу кэҥэттин
Дьону-сэргэни холбоотун,
Дьолу-тускулу тупсардын!

Алгыс баһын салайдын,
Айылгы төбөтүн арыйдын,
Абырал баһын айхаллаан
Айдааран ахтан иһиэҕиҥ!

Сайаҕас ыччат оҕолорго
Сахалыы саҥарбыт саҥабыт
Саҥа үөскүүр дьоннорго
Сатараан, үксээн иһилиннин!

Алампа