Былатыан Ойуунускай аатынан литература түмэлигэр поэт Василий Андреевич Алексеев төрөөбүтэ 70 сылыгар аналлаах ахтыы көрсүһүүгэ ыҥырабыт. Кыттыыны ылаллар: аймахтара, биир идэлээхтэрэ, суруйааччылар.

Василий Андреевич Алексеев 1949 с. муус устар 8 күнүгэр Үөһээ Бүлүү улууһун Кырыкый нэһилиэгэр күн сирин көрбүтэ. Исидор Барахов аатынан Дүллүкү сэттэ кылаастаах оскуолатын бүтэрбитэ.

Маҥнайгы хоһоонун 1961 с. Дүллүкү оскуолатыгар алтыс кылааска үөрэнэ сылдьан суруйбута. 1972 с. бэчээттэнэр буолбута. 1976 с. «Үктэммэтэх үрдэллэр» диэн бастакы кинигэтэ лирик поэт быһыытынан саха ааҕааччытыгар биллэн барбыта. Онон 17 сыл буолан баран 1993 с. «Күн анна туналга сууланна»  уонна «Талыы, талба Тааттаҕа» диэн икки кинигэтэ субуруччу тахсан дьону соһуппута. Дьэ онтон өссө «Судаарыскай» (1994) хоһоон-сэһэнэ, «Тапталым уота уостума» (1995), «Умсулҕан» (2009) барыта аҕыс кинигэтэ бэчээттэммитэ.

Буолар күнэ: бэс ыйын 17 күнэ, 15.00 ч.