Муус устар 7 күнүгэр сарсыардаттан оҕо аймах күйгүөрүнэн туолан литературнай музейга норуодунай поэт П.Тобуруокап айымньыларынан оҥоһук күрэҕин түмүктүүр литературнай бырааһынньык буолла. Бу тэрээһини 31 нүөмэрдээх оскуола алын кылааһын учууталлара, оскуола педколлектива сылын аайы үбүлүөйдээх суруйааччылар айымньыларынан оҕолорго оҥоһук күрэҕин көҕүлээн бэһис төгүлүн ыыттылар. Оҕолор, төрөппүттэр, учууталлар үөрбүт-көппүт сирэйдэрин көрөн, ырыаларын-тойуктарын истэн бары сүргэбит көтөҕүлүннэ. П.Тобуруокап кыыһа С.П.Наумова, күтүөтэ Д.Ф.Наумов оҕолорго П.Тобуруокапка саҥа таһааттарбыт саҥарар кинигэлэрин туттартаатылар.
Оҕолор барахсаттар бу күрэххэ кырачаан кинигэлэри, кроссвордары, өйтөн суруйуулары суруйан, оҥорон дьоһуннаахай оҥоһуктары көрдөрдүлэр.