Бастакы таптала, доҕоро Фекла Сокольникова. 1920 с. кэргэннии буолаллар, 1923с. күн сириттэн барар. Киниэхэ  «Туналҕаннаах ньуурдаах Туйаарыма Куо» олоҥхотун аныыр. 1928 с. театрга турар.

Доҕорбор Сүөкүччэҕэ

Кылбаарар кынаттаах

Кыталыктан ордук

Тырымныыр чыычааҕым,

Тыкаарар далбарым,

Сурэҕим сөбүлүүр

Сүөкүччэ доҕорум!

Түүннээҕи халлааным

Төлөннөөх мичээрэ

Күлүмнүүрүн курдук

Күндү күлэр-мичик

Хаастаах харахтаргын

Хайҕаан умсугуйдум.

Сардаҥалаах күнүм

Саһарҕата оонньуур

Субуруйар долгун

Суһуоххун санааммын,

Олохтоох дойдубар

Ордугу булбатым.

                                          1925 с.

 

Татьяна Дмитриевна Александрова Ойуунускай иккис кэргэнэ. 1926 с. Киниэхэ  «Туналҕаннаах ньуурдаах Туйаарыма Куо» олоҥхотун аныыр. 1928 с. театрга турар.

Платон Алексеевич үһүс кэргэниниин,     Акулина Николаевна Борисовалыын 1930 с. холбоспуттара.  Икки кэрэчээн Саргылаана уонна Сардаана диэн оҕоломмуттара.  Киниэхэ анаан “Бу уоттаах бакаалы” суруйбута.

 

Саҥа дьыл аатыгар,

Саҥа кыыс дьолугар

Бу уоттаах бакаалы,

Бу төлөн тапталы —

Көтөҕүөх, көмүһүөм!

Көтөҕүөх, Өкүүчээм!

                                                         Бу уоттаах бакаалы, 1936 с.