Төрөөбүт тыл сурук-бичик күнүгэр аналлаах

«Бэчээккэ, көрдөрөр-иһитиннэрэр эйгэҕэ сахалыы тыыны олохсутуу боппуруостара» тиэмэҕэ төгүрүк остуолга ыҥырабыт!

Олунньу 19 күнүгэр күнүс 14.00 чаастан сахалартан бастакы тыл үөрэхтээх учуонай, уhулуччулаах сырдатааччы, саха маассабай суругун-бичигин төрүттээччи, сахалыы тылынан бастакы үөрэх кинигэлэрин суруйбут, бэчээттэтэн таһаарбыт Семен Андреевич Новгородов төрөөбүт күнүн көрсө аһаҕас кэпсэтиигэ ыҥырабыт.

Бэчээккэ, көрдөрөр-иһитиннэрэр эйгэҕэ сахалыы тыыны олохсутуу, саха тылын туттуу нуормаларын тула кэпсэтии барыаҕа.

Кэпсэтиигэ тыл үөрэхтээхтэрэ, чинчийээччилэрэ, бэчээт, көрдөрөр-иһитиннэрэр эйгэ үлэһиттэрэ, уопсастыбаннас кыттыыны ылыахтара.

Төгүрүк остуолга кыттыан баҕалаахтар сайаапкаҕытын маннык эл. аадырыска ыытыҥ: angeli_kiim@mail.ru.

 

Аадырыспыт: Дьокуускай, П.А. Ойуунускай аатынан

литературнай музей, Октябрьскай уул., 10, төл. 428912.