Тэрийээччилэр: П.А.Ойуунускай аатынан литература түмэлэ

Куонкурус сыала-соруга: оҕолор айар дьоҕурдарын сайыннарыы

Кыттааччылар: Күрэс үс бөлөҕүнэн ыытыллар: I-IV кылаастар, V-VIII кылаастар, IX-XI кылаастар үөрэнээччилэрэ кыттыыны ылаллар.

Буолар кэмэ: 2019 с. кулун тутар 1 күнүттэн муус устар 29 күнүгэр диэри буолар.

Күрэх кыттыылаахтарыгар ананар уопсай балаһыанньа

Остуоруйа тиэмэтэ олоххо үтүө санаа өрөгөйдүүрүн көрдөрөр ис хоһоонноох буолара ирдэнэр. Айан суруллубут остуоруйа кээмэйэ көмпүүтэргэ 14 шрибинэн бэчээттэммит, 2-3 сирэйтэн итэҕэһэ суох буолуохтаах. Бөлөххө кыайбыттар үлэлэрэ “Кэскил” өрөспүүбүлүкэтээҕи оҕо хаһыатыгар бэчээттэниэхтэрэ. Хас биирдии кыттыбыт үөрэнээччи туоһу сурук ылар.

Кыайыылаахтар айбыт остуоруйаларын Дьокуускай куоракка Ойуунускай аатынан литература түмэлигэр муус устар 1  күнүгэр “Остуоруйалаһыаххайыҥ эрэ” диэн остуоруйа түһүлгэтигэр кэлэн кытталлар, остуоруйалыыллар.

Күрэскэ кыттыы усунуоһа: 150 солк.

Кыайыылаахтар анал дипломнарынан, бириистэринэн наҕараадаланыахтара.

Суруйбут остуоруйаҕытын дьүүллүүр сүбэ көрүүтүгэр литература түмэлин аадырыһыгар ostyoryja_2019@mail.ru почтаҕа «Күрэскэ» диэн бэлиэтээн ыытаҕыт.