Саха барахсан былыр-былыргыттан остуоруйалаһар, үһүйээннэри уостан-уоска түһэрэн кэпсэтиһэр үгэстээх. Өбүгэ сиэринэн кистэлэҥнээх остуоруйалары, сэһэннэри кэпсэтии бэйэтэ туспа ураты иэйиини саҕар.

 

Тохсунньу 16 күнүгэр 12.00 чаастан «Остуоруйа түһүлгэтэ» тэрээһин буолла. Онно остуоруйаһыт, кэпсээнньит, «Кэскил» хаһыат  сүрүн эрэдээктэрэ Е.С. Иринцеева-Огдо оҕолорго олус үчүгэй «Төптүөкээн» диэн аҕата кэпсээбит саха былыргы остуоруйатын бэрт иһирэхтик, уустаан-ураннаан кэпсээтэ.