Олоҥхо күнүгэр Өксөкүлээх Өлүксөй аатынан култуура киинигэр Декада үөрүүлээх арыллыыта буолла. Онно манасчы, филология билимин дуоктара Бакчиев Таланталы Алымбекович уонна саха олоҥхоһуттара Елена Маркова, Петр Попов олоҥхолорун иһиттибит. Бу дьоро күн туһунан филология билимин хандьыдаата. Анна Николаевна Данилова санаатын маннык үллэһиннэ: “Бүгүҥҥү күн саха аймахха сүдү суолталаах. Улуу олоҥхобут уруйданар үтүө күнэ буолар. Бу күнү хас биирдии саха киһитэ эмиэ ыһыах курдук кэтэһэр күнэ буолбутуттан үөрэбит!».

П.А. Ойуунускай аатынан литература түмэлин пуондата тыл билимин хандьыдаата, ЯАССР билимин үтүөлээх диэйэтэлэ, олоҥхону чинчийээччи  И.В. Пухов олоҕун, чинчийэр үлэтин туһунан быыстапканы туруорбутун сэргээтилэр.