✍П.А. Ойуунускай аатынан литература түмэлигэр “Николай Калитин экологияҕа анаммыт сэһэннэрэ” диэн эбэҥки бэйиэтэ, прозаик, литератураны ырытааччы, Арассыыйа суруйааччыларын Сойууһун чилиэнэ Николай Романович Калитины кытта көрсүһүүгэ ыҥырабыт.
Николай Романович бастакы хоһоонноро 1958 с. оройуон «Сэбиэттэр знамялара» хаһыатыгар бэчээттэммитэ. Бастакы кинигэтэ «Эркээйи» 1978 с. күн сирин көрбүтэ. Бастыҥ айымньылара нуучча, казах уонна аангылыйа тылыгар тылбаастаммыттара. Биир биллибит, сүҥкэн айымньыта «Тоомоо» сэһэн 2011 с. Арассыыйа Улахан литературнай бириэмийэтинэн бэлиэтэммитэ. Сэһэн сүрүн геройун уобараһа хас да сыл чочуйуллубут, кини хотугу аҕыйах ахсааннаах омуктартан, эбэҥкилэртэн, төрүттээх тайҕа уола.
☎Буолар күнэ: муус устар 19 күнүгэр, 15.00 чаастан.
Аадырыспыт: Октябрьскай уул., 10, төл. 428912.