Музей историята

Муус устар 17 күнүгэр 1970 сыллаахха республика культурнай олоҕор олус улахан суолталаах тэрээһини – Саха сиригэр бастакы П. А. Ойуунускай аатынан литературнай музей арыллыытын бэлиэтээбиттэрэ. Музей саха норуотун государственнай, общественнай деятелин, учуонайын, саха сэбиэскэй литературатын төрүттээччитин Платон Алексеевич Ойуунускай аатын сүгэр. Литературнай музей бастаан П. Ойуунускай 1935-1938 сыллаахха дылы олорбут дьиэтигэр арыллыбыта.

Олоҕо

ойунскийПлатон Алексеевич Ойуунускай (1893-1939), политическай уонна общественнай деятель, суруйааччы, учуонай-лингвист. Саха сиригэр сэбиэскэй былааһы олохтооччулартан биирдэстэрэ. Дьокуускайдааҕы губревком председателя (1921-1922), ЯАССР ЦИК председателя (1922-1926), доруобуйа харыстабылын уонна үөрэх ЯАССР наркома (1928-1929), Саха сиринээҕи кинигэ кыһатын председателя уонна сүрүн редактора (1929-1931), тыл уонна культура научнай институтун директора, Сэбиэскэй суруйааччылар Саха сиринээҕи союһун правлениятын председателя (1935-1938). 1938 сыллаахха сымыйа буруйдааһынна балыллан хаайыллыбыта. Алтынньы ый 31 күнүгэр 1939 сыллаахха өлбүтэ.

Экспозиция

1980 сыллаахха музей икки этээстээх, саха балаҕанын моһуонунан оҥоһуллубут таас дьиэлэммитэ. Онно саха литературатын историятын сиһилии көрдөрөр экспозиция арыллыбыта.

Билиҥҥи кэмҥэ экспозиция хас да разделлаах:

  1. Саха суругунан уус-уран литературата.
  2. Сурук-бичик киэҥ эйгэҕэ тарҕаныыта.
  3. Классиктар – саха литературатын төрүттээччилэр.
  4. Билиҥҥи саха литературата (жанрдарынан).
  5. Литературалар доҕордоһуулара – норуоттар доҕордоһуулара.
  6. Суруйааччылар союзтара.

Музей комплексыгар киирэр мемориальный музей-дьиэ (Ойуунускай олорбут дьиэтэ), социально-бытовой раздел суруйааччы төрөөбүт уонна улааппыт балаҕаныгар (копията) турар. Онон литературнай музейга норуот тылынан уус-уран баайа, олоҕо-дьаһаҕа толору көрдөрүллэн турар, онтон үөскээн тахсыбыта саха сэбиэскэй литературатын төрүттээччитэ, талааннаах суруйааччы П. А. Ойуунускай.

Адрес: 677027, Якутск, ул. Октябрьская, 10
Тел/факс:  (4112) 428912

Эл/адрес: yglmo@mail.ru; litmuzei@mail.ru

Сайт музея: www.sakhalit.com
Дата образования: 1970
Учредитель: МК и ДР РС(Я)
Руководство: директор – Лугинов Николай Алексеевич
зам. директора — Васильева Люция Никандровна
гл. бухгалтер — Колодезникова Мариана Иннокентьевна
гл. хранитель — Горохова Елена Андреевна
Статус: Государственный