“Мин Ойуунускайым” – П.А.Ойуунускай төрөөбүтэ 125 сылыгар ананар

Тыйаатыр – Түһүлгэ

Судаарыстыбаннай литературнай музейга Дьокуускай куорат оскуолаларын үөрэнээччилэригэр П.А. Ойуунускай айымньыларын өйдөрүнэн-санааларынан, эттэринэн-сииннэринэн хайдах ылыммыттарын  дьүhүйэн көрдөрүүгэ күрэх буолла.

Оҕолор маннык бөлөхтөрүнэн күрэхтэстилэр:

1 бөлөх – 4-5-6 кылаас үөрэнээччилэрэ

2 бөлөх – 7-8-9 кылаас үөрэнээччилэрэ

3 бөлөх – 10-11 кылаас үөрэнээччилэрэ

Түһүлгэ сыала:

–       Саха норуотун олоҕун историятын , өлбөт өйүн тилиннэрии, кэскиллээх дуолун арыйбыт айымньыларыныын билсиһии;

–       Олох эгэлгэ эргиирин, түһүүтүн-тахсыытын, дьиҥ киһилии майгы кырдьыгынан  уус-уран айымньыларыгар сиһилээбитин дьүһүйэн көрдөрүү;

–       Айар тыл улуу дьайар кыаҕын,күүһүн тилиннэрэн, ааҕааччы өйүн-сүрэҕин дириҥ толкуйун күөдьүппүт илбис тыл маастара П.А. Ойуунускай үтүө аатын ыччаттарга өйдөтүү, кэрэхсэбили үөскэтии;

 

Кэлэр 2019 сыл Саха сиригэр Тыйаатыр сыла биллэриллибитинэн, оҕолор билиҥҥи олох эргимтэтигэр суруйааччы П.А. Ойуунускай айымньыларыттан уонна олоҕун, айар үлэтин, саныыр санаатын, олоххо дьулуурун, модун санаатын, кинини Киһи, Оҕо, Аҕа, Салайааччы, Учуонай быһыытынан дьүһүйэн көрдөрдүлэр. Туруоруу тиэмэтэ көҥүл буолла. Суруйааччы туһунан ахтыыларга олоҕуран көрөөччүлэргэ илэ тиэртилэр.

Сыанабылга манныктар киирдилэр: киһиэхэ дьайар күүһэ, ис хоһоону арыйыы,  кыттааччы сыанаҕа тутта-хапта сылдьыыта, саҥарар-иҥэрэр дьоҕура, ураты (оригинальнай) туруоруу.

Кыайыылаахтарынан Дьокуускай куорат 23 №-дээх оскуолатын 5 уонна 6 кылааһын үөрэнээччилэрэ буоллулар! Дьүүллүүр сүбэ бэрэрссэдээтэлэ Елена Васильевна Cлепцова-Куорсуннаах. Кыайбыт-хоппут хамаанданы истиҥник эҕэрдэлиибит!