Ойуунускай аатынан литературнай музей төһө да реэкспозицияҕа турдар, үлэтин тохтоппот. Ол курдук бу күннэргэ «Айыы кыһата»IMG_3037 IMG_3066 IMG_3074 IMG_3062 сайыҥҥы лааҕырын иитиллээччилэрэ кэлэн ыалдьыттаан бардылар. Кинилэр Николай Егорович Винокуров — Урсун кэпсээнин дуоһуйа иһиттилэр, элбэҕи биллилэр.

ОҔОЛОР САНААЛАРА:

 

Айсен Винокуров:

Биһиги Ойуунускай кабинетын көрдүбүт,  былыргы саха таҥаһын,  мэҥэ тааска баар суруктары,  ким Саха сиригэр оскуоланы аан маҥнай арыйбытын,  Ойуунскай оҕо эрдэҕинээҕи эйгэтин көрбүппүт: кини төрөөбүт балаҕанын уонна кини олорбут дьиэтин. Музейы олус биһирээтим.

Юрий Игнатьев:

Мин бүгүн Ойуунускай аатынан литературнай музейга сырыттым. Элбэҕи билэн хааллым, гынан баран миэхэ А.И.Софронов айар үлэтин интэриэһиргээтим хайдахтаах үчүгэй пьесалары туруорар эбитий диэн. Поэзия туһунан элбэҕи биллим, күн аайы сайдар этэ, туох эрэ умнуллар, туох эрэ эбиллэр.

Поэзия элбэх суолталаах эбит, холобур: хоһоон, ырыа, поэмалар. Поэзиянан олус интэриэһиргээтим.

Екатерина Павлова:

Бу музей урут алдьаммыт курдук көрүҥнээх этэ. Билигин ремоннаммыт, саҥа курдук көрүҥнээх буолбут. Таһыттан кыра көстүүлээх, киирдэххэ улаатан тахсар эбит. Киирдэххэ киһи хараҕар улахан уруһуй көстөн кэлэр. Бу музей Ойуунускай олоро сылдьыбыт сиригэр тэриллибит. Таһырдьа уҥа өттүгэр кини төрөөбүт балаҕана турар, онтон хаҥас өттүгэр олоро сылдьыбыт дьиэтэ. Музей бэйэтэ саха литературатын сайдыытын туһунан кэпсиир. Былыргы сахалар тугу таҥна сылдьыбытттарын, олорбуттарын кыратык кэпсэнэр. Урут сахалар суруйалларыгар латыынныы буукубаларынан туттар этилэр, английскай курдук. Кэнники нууччалыы буукубаларынан суруллар буолбута. Бу музейга урукку кинигэлэр бааллар. Иккис этээскэ суруйааччылар тустарынан суруллубут. Ойуунускай кабинетын остуола, олоппоһо баар. Музей экспонаттара билигин аҕыйах, ол эрэн ремоннана турар, ол иһин өссө элбиэхтээх үһү. Мин бу саха литературатын музейын олус сөбүлээтим уонна өссө эбии сайдарыгар эрэнэбин.

Милена Прокопьева:

Биһиги Литературнай музейга сылдьан кэллибит.

Ити музейы өссө даҕаны оҥоро сылдьаллар, ол гынан баран аҕыйах экзепляр сүрүн экспонат баар.

Биһиэхэ араас поэттар, суруйааччылар туһунан кэпсээтилэр.

Ол курдук, Платон Алексеевич Ойуунускай кабинетын, төрөөбүт балаҕанын көрдүбүт.

Мин саамай интэриэһиргээбитим былыргы «Кыым» уонна «Чолбон» хаһыат. Бу музейга мин баҕарыам этэ ситиһиини.

Сергелина Аммосова:

Биhиги литературнай музейга сырыттыбыт, Платон Алексеевич Ойуунускай туhунан эмиэ суруллубута, кини төрөөбүт дьиэтэ уонна олоробут дьиэтэ баара.

Бу музейга элбэх суруйааччылар, поэттар туhунан этиллэр.

Литературнай музей өссө даҕаны туттулла илик, күhүн туттуллуо, өссө элбэх экспонааттар кэлиэхтэрэ.

Мин сөбүлээбитим Ойуунскай дьиэтин, кабинетын, төрөөбүт балаҕанын.

Мин бэйэм Платон Алексеевич Ойуунскай (Слепцов) туhунан элбэҕи билэбин, музейга эмиэ бастакы айымньытын биллим: «Үлэһит ырыата» диэн.

Күhүн эмиэ ити музейга кэлэн саҥа экспонааттары көрүөм, элбэҕи билиэм.

Артем Бережнов:

Биһиги Литературнай Музейга барбыпыт. Икки этээстэх сырдык музей эбит. Биһиэхэ онно суруйааччы Николай Егорович Винокуров-Урсун кэпсээбитэ, урукку маллары, хаартыскалары көрдөрө-көрдөрө кэпсээбитэ, онтон биһиги кинилиин кэпсэтэн, махтанан баран лааҕырбытыгар барбыппыт.

Вениамин Семенов:

Бүгүн биһи литературнай музейга сырыттыбыт. Музей билигин өссө да оҥоһулла сылдьар эбит. Олоҥхо хартыынатын сөбүлээтим. Онно геройдар уруһуйдаммыттар. Биһиэхэ Платон Ойуунускай туһунан кэпсээтилэр. Кини туһунан барыта баар. Холобур дьиэтэ, остуола уонна төрөөбүт балаҕана. Кыһын өссө кэлиэм, өссө ситэри барыта кэллэҕинэ.