2019 сыл Арассыыйаҕа тыйаатыр сыла биллэриллибитинэн кыра кээмэйдээх пьесалары, сыаҥкалары, инсценировкалары, миниатюралары суруйууга өрөспүүбүлүкэтээҕи сабыылаах куонкурус биллэриллэр.

Тэрийээччилэр: П.А.Ойуунускай аатынан литература судаарыстыбаннай түмэлэ, Саха сирин Суруйааччыларын сойууһа, П.А.Ойуунускай аатынан Саха Академическай тыйаатыра, “Чолбон” сурунаал эрэдээксийэтэ.

Куонкурус сыала-соруга:  айар дьону драма кыра жанрдарын суруйууга көҕүлээһин, тыйаатырдар уонна драманы туруорар кэлэктииптэр репертуардарын кэҥэтии, өрөспүүбүлүкэ олохтоохторо театр сылыгар көхтөөх кыттыыны ылалларын ситиһии.

Ыытыллар кэмэ: тохсунньу 29 күнүттэн – алтынньы 25 күнүгэр диэри.

Кыттааччылар:  Сааһыттан тутулуга суох ким баҕарар  кыттар.

Куонкурус усулуобуйата:

Куонкуруска кыра кээмэйдээх пьесалар, сценкалар, инсценировкалар ханнык баҕарар драматическай көрүҥүнэн суруллуохтарын сөп. Тиэмэтэ көҥүл.

Айымньылары дьүүллүүргэ саха драматурдарыттан, Литературнай музей уонна П.А.Ойуунускай аатынан театр, “Чолбон” сурунаал редакциятын үлэһиттэриттэн састааптаах жюри тэриллэр. Куонкуруска бастакы, иккис, үһүс, ону тэҥэ икки биһирэбил миэстэлэр олохтоноллор. Кыайыылаахтарга сыаналаах бириистэр ананаллар. Бастыҥ пьесалар бэчээккэ мэктиэлэниэхтэрэ, биһиги сайпытыгар sakhalit.com сырдатыллыахтара.

Күрэххэ киирбит үлэлэр төннөрүллүбэттэр. Үлэ суруллар кээмэйэ 14 кегллээх сахалыы шрибинэн суруллара ирдэниллэр уонна музей электроннай почтатыгар  litmuzei@mail.ru аадырыска «Куонкуруска» диэн бэлиэтээн ыытаҕыт.

Үлэлэр 2019 сыл сэтинньи 25 күнүгэр диэри  ылыллаллар, хойутаабыттар ылыллыбаттар.

Күрэх түмүгэ 2019 сыл сэтинньи 30 күнүгэр түмэл сайтыгар sakhalit.com тахсыаҕа. Көхтөөх кыттааччыларга сэртэпэкээт бэриллэр.

Куонкуруска кыттыы иһин 400 солк. төлөнөр.

Билсэр төл.: 42-89-12.