Майаҕа «Кыталык” саалаҕа Мэҥэттэн тахсыбыт оҕо суруйааччытын, бэйиэт Көстөкүүн Сосин 70 сааһын бэлиэтээһин буолла. Онно Саха сирин суруйааччыларын Сойууһуттан Николай Винокуров-Урсун, биир дойдулаахтара суруйааччылар Уйбаан Осипов-Ойуур уонна Сэмэн Ермолаев-Сиэн Өкөр, “Чуораанчык” сурунаалтан эрэдээктэр Татьяна Жиркова эҕэрдэлээтилэр. Эдэриттэн эмэнигэр тиийэ кини хоһооннорун аахтылар, ыллаатылар-үҥкүүлээтилэр. Оҕолор элбэхтэрэ, таҥастара-саптара үчүгэйэ кэрэхсэннэ. Онон Көстөкүүн Сосин 70 сааһа сэргэхтик бэлиэтэннэ.