Күннук Уурастыырап кэргэнинээн Надежда Гаврильевналыын

Кэргэнниилэр биир кэмҥэ кэриэтэ   педагогическай институкка үөрэнэн саха тылын, литературатын учууталларын аатын ылан бүтэрбиттэрэ. Н.Г.Иванова 40-ча сыл тухары 2№-ээх оскуолаҕа учууталынан үлэлээбитэ.  Кинини билэр дьон ис-иһиттэн сэмэйин, улахан поэт кэргэнэ дэнэн биллэ-көстө сатаабатын кэпсээччилэр.

Дэлэҕэ даҕаны сүдү поэт Күннүк Уурастыырап олоҕун усталаах-туоратыгар кэргэнин таҥара оҥостон хоһоонноругар хоһуйуо, тиһэх күннэригэр диэри дириҥ иэйиинэн этиэ дуо:

Халлаан күлүмэ, сырдык тапталым,

Кэл даа, үчүгэй далбарайым!

… Доҕоруом, эн баар буолаҥҥын,

Мин ыал буолан олоробун

Миэхэ суоҕу эн булаҥҥын

Итэҕэспин толороҕун.